Roof Collapse Today : ఉత్తర్ప్రదేశ్ రాజధాని లఖ్నవూలో ఘోరం జరిగింది. ఆలంబాగ్లోని పాత రైల్వే కాలనీలో ఇంటిపైకప్పు కూలడం వల్ల ఒకే కుటుంబానికి చెందిన ఐదుగురు మరణించారు. సమాచారం అందుకున్న పోలీసులు, అధికారులు ఘటనాస్థలికి చేరుకుని సహాయక చర్యలు చేపట్టారు. మృతుల్లో ముగ్గురు చిన్నారులు కూడా ఉన్నారు. మృతులను సతీశ్ చంద్ర, అతడి భార్య సరోజినీ దేవి, పిల్లలు హర్షిత, హర్షిత్, అన్ష్‌లగా గుర్తించారు.
ఆస్పత్రికి తీసుకెళ్లినప్పటికీ..
అయితే విషయం తెలుసుకున్న వెంటనే ఘటనాస్థలికి చేరుకున్నామని తూర్పు డీసీపీ హృదేశ్ కుమార్ తెలిపారు. శిథిలాల కింద సతీశ్ కుటుంబసభ్యులను హుటాహుటిన ఆస్పత్రికి తరలించినట్లు చెప్పారు. కానీ అప్పటికే వారంతా చనిపోయినట్లుగా వైద్యులు ధ్రువీకరించారని వెల్లడించారు.
-
#WATCH | Lucknow, UP | Five people died after the roof of a house collapsed in the Old Railway Colony of Anand Nagar area. SDRF and Police have reached the spot to carry out rescue operations. pic.twitter.com/9V6CjFihTk
— ANI UP/Uttarakhand (@ANINewsUP) September 16, 2023 " class="align-text-top noRightClick twitterSection" data="
">#WATCH | Lucknow, UP | Five people died after the roof of a house collapsed in the Old Railway Colony of Anand Nagar area. SDRF and Police have reached the spot to carry out rescue operations. pic.twitter.com/9V6CjFihTk
— ANI UP/Uttarakhand (@ANINewsUP) September 16, 2023#WATCH | Lucknow, UP | Five people died after the roof of a house collapsed in the Old Railway Colony of Anand Nagar area. SDRF and Police have reached the spot to carry out rescue operations. pic.twitter.com/9V6CjFihTk
— ANI UP/Uttarakhand (@ANINewsUP) September 16, 2023
మృతుడు సతీశ్ చంద్ర.. తన కుటుంబంతో రైల్వే కాలనీలో నివసిస్తున్నారు. రైల్వే ఉద్యోగి అయిన అతడి తల్లి ఇటీవలే మరణించింది. దీంతో కారుణ్య నియమాకం ద్వారా సతీశ్కు ఉద్యోగం దక్కింది. ఇటీవలే సతీశ్ ఉద్యోగంలో చేరాడని.. ఇంతలో ఇలా జరగడం విషాదకరమని స్థానికులు ఆవేదన వ్యక్తం చేస్తున్నారు. ఈ ఘటనపై ఉత్తర్ప్రదేశ్ ముఖ్యమంత్రి యోగి ఆదిత్యనాథ్ స్పందించారు. మృతుల కుటుంబాలకు తన ప్రగాఢ సానుభూతి తెలిపారు.
కాగా.. ఇంటి పైకప్పు కూలి ఒకే కుటుంబానికి చెందిన ఐదుగురు మరణించడంపై యూపీ డిప్యూటీ సీఎం బ్రిజేశ్ పాఠక్ స్పందించారు. మృతుల ఆత్మకు శాంతి చేకూరాలని దేవుడ్ని ప్రార్థిస్తున్నానని అన్నారు. సహాయక చర్యలు వేగవంతం చేయాలని అధికారులను ఆదేశించారు. మృతులు నివసించిన ఇల్లు చాలా పాతదని ఈ సందర్భంగా తెలిపారు.
కొన్నాళ్ల క్రితం.. ఉత్తరప్రదేశ్.. మధురలోని బాంకే బిహారి దేవాలయం సమీపంలో పురాతన భవనం కూలిపోయిన ఘటనలో ఐదుగురు భక్తులు మరణించారు. దేవాలయం నుంచి ఇంటికి వెళ్తున్న భక్తులపై బాల్కనీలోని పెద్ద భాగం కూలిపోయింది. వారిని రక్షించే సమయంలో భవనంలోని మరో గోడ కూలిపోయిందని పోలీసులు తెలిపారు. బాంకే బిహారి ఆలయానికి 200 మీటర్ల దూరంలో ఓ పెద్ద భవనం శిథిలావస్థకు చేరుకుంది. ఆ భవనంలో చాలా రోజుల నుంచి కోతులు తిరుగుతున్నాయి. ఇటీవలే మధ్య కురిసిన వర్షాలకు భవంతి పూర్తిగా దెబ్బతింది. ఈ పూర్తి వార్త కోసం ఇక్కడ క్లిక్ చెయ్యండి.
Mizoram Railway Bridge Collapse : నిర్మాణంలో ఉండగా కూలిన రైల్వే వంతెన.. 23 మంది కూలీలు మృతి
పాత భవనం కూలి 14 మంది మృతి.. ఉండొద్దని హెచ్చరించినా నివాసం..
