ప్రత్యక్ష రాజకీయాల్లోకి రాబర్ట్​ వాద్రా!- మొరాదాబాద్​ నుంచి ఎంపీగా పోటీ?

Robert Vadra in Politics: కాంగ్రెస్​ ప్రధాన కార్యదర్శి ప్రియాంకా గాంధీ భర్త రాబర్ట్​ వాద్రా ప్రత్యక్ష రాజకీయాల్లోకి రానున్నట్లు తెలుస్తోంది. ఉత్తర్​ప్రదేశ్​లోని మొరాదాబాద్​ నుంచి ప్రాతినిధ్యం వహించాలని ఇప్పటికే పలు పార్టీల నుంచి తనకు ఆహ్వానాలు అందినట్లు రాబర్ట్​ చెప్పారు.

Robert Vadra in Politics: ప్రత్యక్ష రాజకీయాల్లోకి వచ్చే విషయమై త్వరలోనే నిర్ణయం తీసుకుంటానని కాంగ్రెస్​ ప్రధాన కార్యదర్శి ప్రియాంకా గాంధీ భర్త, వ్యాపారవేత్త రాబర్ట్​ వాద్రా 'ఈటీవీ భారత్​'తో అన్నారు. రాజకీయాల్లోకి రావాలని, తన స్వస్థలమైన ఉత్తర్​ప్రదేశ్​లోని మొరాదాబాద్​ నుంచి ప్రాతినిధ్యం వహించాలని ఇప్పటికే కాంగ్రెస్​తో పాటు ఇతర పార్టీల నుంచి ఆహ్వానాలు అందాయని ఆయన చెప్పారు.

అయితే ఈ విషయమైన కుటుంబసభ్యులతో చర్చించాకే తుది నిర్ణయం తీసుకోనున్నట్లు రాబర్ట్​ స్పష్టం చేశారు. తనపై ఆరోపణలు చేస్తున్న భాజపా, ఇతర ఏ పార్టీపై అయినా పోరాడేందుకు రాజకీయాల్లోకి రావడం ఒక్కటే మార్గమని ఆయన నొక్కి చెప్పారు. 'వచ్చే సార్వత్రిక ఎన్నికల్లో ఎంపీగా పోటీ చేస్తారా?' అన్న ప్రశ్నకు ఇంకా నిర్ణయం తీసుకోలేదన్నారు.

ఇదీ చూడండి: జాతీయ కూటమి దిశగా దీదీ- ఆ సీఎంలతో త్వరలోనే భేటీ!