Retired teacher pass in NEET: 61 ఏళ్ల వయస్సులో నీట్ పరీక్షలో ఉత్తీర్ణత పొంది ఎంబీబీఎస్ సీటు సాధించారు ఓ రిటైర్డ్‌ ఉపాధ్యాయుడు. తమిళనాడులోని ధర్మపురికి చెందిన 61 ఏళ్ల విశ్రాంత ఉపాధ్యాయుడు కె.శివ ప్రకాశత్ నీట్‌లో ఉత్తీర్ణత సాధించి విద్యాభ్యాసానికి వయసు ఆటంకం కాదని నిరూపించారు.
తమిళనాడులో ఎంబీబీఎస్, బీడీఎస్, వైద్య విద్య కోర్సులకు కౌన్సెలింగ్ జనవరి 27 నుంచి ప్రారంభమైంది. అందులో భాగంగా ప్రభుత్వ పాఠశాలలకు 7.5 కోటాలో కౌన్సెలింగ్ శుక్రవారం నిర్వహించారు. గతేడాది నీట్ పరీక్ష రాసిన ధర్మపురికి చెందిన కే శివ ప్రకాశత్ విద్యార్థులతో కలిసి శుక్రవారం కౌన్సెలింగ్లో పాల్గొన్నారు. ఇదే కౌన్సెలింగ్కు ఆయన వద్ద విద్యాబుద్ధులు నేర్చుకున్న విద్యార్థులు సైతం ఉండటం గమనార్హం.
అయితే చివరి నిమిషంలో యువతరానికి అవకాశం ఇవ్వాలన్న సత్‌ సంకల్పంతో ఆయన ఎంబీబీఎస్ సీటు వదులుకుంటున్నట్లు ప్రకటించారు. ఉపాధ్యాయుడి పట్టుదలకు సర్వత్రా ప్రశంసల జల్లు కురుస్తోంది.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి: స్మార్ట్ కిడ్.. 10 ఏళ్ల వయసులోనే లాయర్ల కోసం యాప్ తయారీ
