'కూచ్​బిహార్ ఘటన మారణహోమమే​'

కూచ్​బిహార్​లో రాజకీయ నాయకులు వెళ్లకుండా ఈసీ నిషేధం విధించి.. వాస్తవాలను దాచిపెట్టేందుకు యత్నిస్తోందని బంగాల్​ ముఖ్యమంత్రి మమతా బెనర్జీ ఆరోపించారు. శనివారం కూచ్​బిహార్​లో జరిగిన​ కాల్పుల ఘటనను 'మారణ హోమం'గా అభివర్ణించారు. ఏప్రిల్​ 14న తాను మృతుల కుటుంబాలను కలుస్తానని చెప్పారు.

బంగాల్​ నాలుగో విడత పోలింగ్​ రోజున జరిగిన కూచ్​బిహార్​ కాల్పుల ఘటనను 'మారణహోమం' అని బంగాల్ ముఖ్యమంత్రి మమతా బెనర్జీ పేర్కొన్నారు. నిజాలను దాచిపెట్టేందుకే కూచ్​బిహార్​లో 72 గంటల పాటు రాజకీయ నాయకుల ప్రవేశంపై ఈసీ నిషేధం విధించిందని ఆరోపించారు. సిలిగుడిలో ఆమె విలేకరుల సమావేశంలో మాట్లాడారు.

"సీతల్​కుచి ప్రాంతంలో నాలుగో విడత పోలింగ్​ జరుగుతున్న వేళ.. బాధితుల మొండాలను గురి చూసి కేంద్ర బలాగాలు కాల్పులు జరిపాయి. ఇది మారణహోమమే. సీతల్​కుచి ప్రాంతాన్ని ఏప్రిల్​ 14న సందర్శించాలనుకుంటున్నాను. మనకో అసమర్థ హోం మంత్రి, అసమర్థ కేంద్ర ప్రభుత్వం ఉంది. పరిస్థితులను ఎలా చక్కదిద్దాలో సీఐఎస్​ఎఫ్​ బలగాలకు తెలియదు. కేంద్ర బలగాల్లోని కొంత మంది ప్రజలపై దాడులకు పాల్పడుతున్నారనే విషయం మొదటి దశ పోలింగ్​ ప్రారంభమైనప్పటి నుంచి నేను చెబుతూనే ఉన్నాను. నందిగ్రామ్​లో ఈ విషయం చెప్పినప్పుడు నన్ను ఎవరూ పట్టించుకోలేదు. "

- మమతా బెనర్జీ, బంగాల్​ ముఖ్యమంత్రి

శనివారం జరిగిన కాల్పుల్లో మృతిచెందిన నలుగురు వ్యక్తుల కుటుంబాలతో మమత ఫోన్​లో మాట్లాడారు. ఏప్రిల్​ 14న వారిని పరామర్శించేందుకు వస్తానని హామీ ఇచ్చారు.

• #WATCH | West Bengal Chief Minister Mamata Banerjee spoke to the families of people, who had died in a firing incident at Cooch Behar, over a video call during her press conference in Siliguri
  
  "I will come to meet you on April 14," she told them pic.twitter.com/NIHbn0CCnz

  — ANI (@ANI) April 11, 2021 " class="align-text-top noRightClick twitterSection" data="

  #WATCH | West Bengal Chief Minister Mamata Banerjee spoke to the families of people, who had died in a firing incident at Cooch Behar, over a video call during her press conference in Siliguri
  
  "I will come to meet you on April 14," she told them pic.twitter.com/NIHbn0CCnz

  — ANI (@ANI) April 11, 2021

  ">

  #WATCH | West Bengal Chief Minister Mamata Banerjee spoke to the families of people, who had died in a firing incident at Cooch Behar, over a video call during her press conference in Siliguri
  
  "I will come to meet you on April 14," she told them pic.twitter.com/NIHbn0CCnz

  — ANI (@ANI) April 11, 2021

'మోదీ కోడ్ ఆఫ్​ కండక్ట్​' గా మార్చండి'

అంతకుముందు.. ఎన్నికల ప్రవర్తనా నియమావళిని.. 'మోదీ ప్రవర్తనా నియమావళి'గా మార్చాలని ట్విట్టర్​ వేదికగా మమత ఎద్దేవా చేశారు.

"ఈసీ కచ్చితంగా ఎన్నికల ప్రవర్తనా నియమావళి(ఎంసీసీ)ని.. మోదీ ప్రవర్తనా నియమావళిగా మార్చాలి. భాజపా ఎన్ని కుట్రలు చేసినా.. నా ప్రజల నుంచి నన్ను దూరం చేయలేరు. కూచ్​బిహార్​లోని నా అన్నదమ్ములను కలవకుండా నన్ను మూడు రోజులపాటు అడ్డుకోవచ్చు. కానీ నాలుగోరోజే నేను అక్కడుంటా."

-మమతా బెనర్జీ, బంగాల్​ ముఖ్యమంత్రి

బంగాల్ నాలుగో విడత పోలింగ్​ సందర్భంగా కూచ్​బిహార్​ జిల్లాలోని సీతల్​కుచి ప్రాంతంలో ఘర్షణ తలెత్తింది. బలగాల కాల్పుల్లో నలుగురు పౌరులు ప్రాణాలు కోల్పోయారు. ఈ నేపథ్యంలో రాజకీయ నాయకులు మూడు రోజుల పాటు ఆ ప్రాంతంలో పర్యటించకుండా నిషేధం విధించింది ఈసీ.

ఇదీ చదవండి : ఆ జిల్లాలో నేతల పర్యటనపై నిషేధం