భారత వైమానిక దళానికి చిన్న పిల్లలు ఆడుకునే బొమ్మలతో కొత్త చిక్కులు ఎదురవుతున్నాయి. హరియాణాలోని అంబాలా ఎయిర్బేస్కు సమీపంలో ఉన్న పిల్లల రిమోట్ కంట్రోల్ బొమ్మల వల్ల తమ ఫైటర్ జెట్స్కు ముప్పు పొంచి ఉందని అధికారులు ఆందోళన చెందుతున్నారు. ఈ బొమ్మల వల్ల ల్యాండింగ్, టేకాఫ్ సమయంలో ప్రమాదాలు జరగొచ్చని భయపడుతున్నారు. ఈ సమస్యను అధిగమించేందుకు స్థానిక అధికార యంత్రాంగంతో మంతనాలు జరిపారు.
" రఫేల్ జెట్స్ భద్రతకు తీసుకోవాల్సిన చర్యలపై చర్చించాం. వైమానిక స్థావరంలో ఎలాంటి పక్షులు సంచరించకుండా చూసేందుకు బృందాలను ఏర్పాటు చేశాం. నిబంధనలు ఉల్లంఘించిన ప్రజలపై కఠిన చర్యలు తీసుకుంటాం. పక్షులను ఎయిర్ఫీల్డ్ నుంచి దూరంగా ఉంచటం చాలా అవసరం. అది.. ఐఏఎఫ్ బేస్ పరిసరాల్లో చెత్త సేకరణను పెంచటం, విచ్చలవిడిగా చెత్తను పారేసే వారిపై జరిమానా విధించటం, పావురాల పెంపకంపై నిషేధం వంటి చర్యలతో సాధ్యమవుతుంది. చనిపోయిన పక్షులు, పారిశుద్ధ్యం వంటి ఇతర కీలక అంశాలపై చర్చించాం. "
- పార్థ గుప్తా, అంబాలా మున్సిపల్ కార్పొరేషన్ కమిషనర్
ఇదీ చూడండి: గంటకు 900కి.మీ వేగంతో 'రఫేల్' గర్జన
