Man Kills Mother: కన్నతల్లినే కడతేర్చాడు ఓ కిరాతక తనయుడు. అది కూడా మద్యానికి డబ్బులివ్వలేదనే కారణంతో! ఉత్తర్ప్రదేశ్లోని షాజహానపుర్లో శుక్రవారం సాయంత్రం ఈ దారుణం జరిగింది.
ఇదీ జరిగింది..
"ముక్రంపుర్ గ్రామంలో నివసించే.. రామ్ నరేశ్ అనే వ్యక్తి మద్యం కోసం డబ్బులివ్వాలని తల్లి రామ్వతిని అడిగాడు. ఆమె నిరాకరించడం వల్ల ఆగ్రహించిన నరేశ్.. తల్లిపై దాడి చేశాడు. పదునైన వస్తువుతో తలపై కొట్టడం వల్ల ఆమె చనిపోయింది" అని పోలీసులు తెలిపారు. నిందితుడిని అరెస్టు చేసి, కేసు నమోదు చేసినట్లు వెల్లడించారు.
ప్రాణం తీసిన పరుపు!
పరుపు కోసం స్నేహితుడినే చంపేసిన దారుణ ఘటన శనివారం మహారాష్ట్రలో వెలుగుచూసింది. తన పరుపుపై రూమ్మేట్ దామోదర్ దస్తాతివార్ (45) పడుకున్నాడని సోనూ బంకర్ (30) అనే వ్యక్తి.. ఆగ్రహం చెందాడు. దీంతో దామోదర్పై చేయి చేసుకున్నాడు. బదులుగా బండరాయితో బంకర్పై బలంగా మోదాడు దామోదర్. దీంతో బంకర్ అక్కడికక్కడే చనిపోయాడు. దామోదర్ను పోలీసులు అరెస్టు చేశారు.
ఇదీ చూడండి: పోలీసులపై ఆగ్రహంతో స్టేషన్కు నిప్పు.. కానిస్టేబుల్ మృతి!
