పంజాబ్ నటుడు, గాయకుడు దీప్ సిద్ధూకు 7 రోజుల పోలీసు కస్టడీ విధించింది దిల్లీ కోర్టు. గణతంత్ర దినోత్సవం రోజు ఎర్ర కోట వద్ద జరిగిన హింసాత్మక ఘటనలో ఆయన ఆరోపణలు ఎదుర్కొంటున్నారు.
కేంద్రం తెచ్చిన మూడు వ్యవసాయ చట్టాలను రద్దు చేయాలని డిమాండ్ చేస్తూ జనవరి 26న దిల్లీలో రైతులు ట్రాక్టర్ ర్యాలీ చేపట్టారు. అయితే అవి హింసాత్మకంగా మారడం వెనుక సిద్ధూ పాత్ర ఉందని కోర్టుకు పోలీసులు తెలిపారు.
సిద్ధూ ఆచూకీ తెలిపిన వారికి గతంలో రూ.లక్ష బహుమతి ప్రకటించారు దిల్లీ పోలీసులు. చండీగడ్, అంబాలా మధ్యలోని జిరాక్పుర్ ప్రాంతంలో మంగళవారం ఆయనను అరెస్టు చేశారు.
ఇదీ చూడండి: 'దిల్లీ హింసకు దీప్ సిధు లాంటి విద్రోహ శక్తులే కారణం'
