మార్చి 14న దాదాపు 8,35,089 లబ్ధిదారులను 'ఆప్కే ద్వార్ ఆయుష్మాన్' ప్రచారంలో ఆయుష్మాన్ పథకం కింద ధ్రువీకరించామని జాతీయ ఆరోగ్య విభాగం వెల్లడించింది. ఆయుష్మాన్ భారత్ ప్రధాన్ మంత్రి జన్ ఆరోగ్య యోజన ప్రారంభించిన నాటినుంచి ఒక్కరోజులో ఇంత భారీ స్థాయిలో లబ్ధిదారులను ధ్రువీకరించటం ఇదే మొదటిసారని స్పష్టం చేసింది.
లబ్ధిదారులను గుర్తించాలనే లక్ష్యంతో 'ఆప్కే ద్వార్ ఆయుష్మాన్' ప్రచారాన్ని ఫిబ్రవరి 1 న ప్రారంభించారు. ఈ కార్యక్రమం ద్వారా దేశంలో మారుమూల ప్రాంతాల్లో ఆయుష్మాన్ భారత్ పథకంపై అవగాహన పెంచుతున్నారు. ఇప్పటివరకు ఈ ఏడాది 1.2కోట్ల ఆయుష్మాన్ కార్డులను జారీ చేశారు.
ఆయుష్మాన్ భారత్ కార్డు ఉంటే... ఏడాదికి ఒక కుటుంబం రూ.5 లక్షల వరకు ఉచిత ఆరోగ్య సేవలను పొందవచ్చు.
ఇదీ చదవండి: జన గణన ఈ ఏడాదిలోనే!
