రాజస్థాన్ జైపుర్లో సంచలన ఘటన వెలుగుచూసింది. ఓ మహిళా యోగా టీచర్ తన సహోద్యోగి మర్మాంగాలను కోసేసింది. నవంబర్ 16వ తేదీ రాత్రి జరిగిన ఈ ఘటన ఆలస్యంగా వెలుగుచూసింది.
ఎందుకు ఇలా చేసిందో?
యోగా టీచర్గా పనిచేస్తున్న ఆ మహిళ తన తోటి యోగా గురువుకు మత్తు మందు ఇచ్చింది. తర్వాత అతని ప్రైవేట్ భాగాలను కత్తితో కోసేసింది. రక్తపు మడుగులో పడి ఉన్న ఆ వ్యక్తి స్పృహలోకి వచ్చేసరికి ఆ మహిళ కనిపించకుండా పోయిందని బాధితుడు తెలిపాడు. వెంటనే తన స్నేహితురాలికి ఫోన్ చేసి.. ప్రైవేట్ ఆసుపత్రిలో చికిత్స తీసుకున్నట్లు వివరించాడు. డిశ్చార్జి అయిన తర్వాత పోలీసులకు ఫిర్యాదు చేసినట్లు వాపోయాడు.
ఈ ఘటనపై హత్యాయత్నం కింద కేసు నమోదు చేసిన పోలీసులు దర్యాప్తు ప్రారంభించారు. ఆమె అలా ఎందుకు అలా చేసింది? అసలు ఆ రోజు ఏం జరిగిందనే విషయాన్ని తెలుసుకునేందుకు ప్రయత్నిస్తున్నట్లు భంక్రోటా ఎస్‌హెచ్‌ఓ ఆర్‌పీ సింగ్ తెలిపారు.
ఇవీ చదవండి:
