కాంగ్రెస్ నాయకుడు రాహుల్ గాంధీ గతంలో పోటీ చేసిన నియోజకవర్గం అయిన ఉత్తర్ప్రదేశ్లోని అమేఠీకి ఆక్సిజన్ కాన్సన్ట్రేటర్లను పంపినట్లు ఆ పార్టీ వర్గాలు తెలిపాయి. అంతేగాక జిల్లాలో పారిశుద్ధ్య కార్యక్రమం కూడా నిర్వహించనున్నట్లు పేర్కొన్నాయి.
కరోనా రెండోదశను ఎదుర్కొనేందుకు పార్టీ తరఫున బృందాలను ఏర్పాటు చేసినట్లు జిల్లా కాంగ్రెస్ పార్టీ అధ్యక్షుడు ప్రదీప్ సింఘల్ తెలిపారు. సుమారు 10 వేల లీటర్ల శానిటైజర్స్ త్వరలో అమేఠీకి చేరుకోనున్నట్లు పేర్కొన్నారు. ఇప్పటికే 5 ఆక్సిజన్ కాన్సన్ట్రేటర్లను, 20 సిలిండర్లను పంపినట్లు గుర్తు చేశారు. మరో 15 కాన్సన్ట్రేటర్లను మంగళవారం పంపినట్లు వెల్లడించారు.
ఇదీ చూడండి: బ్రహ్మపుత్ర ప్రాజెక్టుకు నీటి గండం- చైనా బెంబేలు
