నూతన సాగు చట్టాలకు వ్యతిరేకంగా దేశ రాజధాని దిల్లీలో రైతుల నిరసనలు 16వ రోజుకు చేరాయి. కేంద్రం దిగొచ్చి చట్టాలను ఉపసంహరించుకోవాలని డిమాండ్ చేస్తున్నారు కర్షకులు. అయితే చర్చలకు సిద్ధంగా ఉన్నామని చెబుతున్న ప్రభుత్వం.. చట్టాలను మాత్రం వెనక్కి తీసుకునే ప్రసక్తే లేదని మరోమారు తేల్చిచెప్పింది. ఈ నేపథ్యంలో రానున్న రోజుల్లో ఆందోళనను ఉద్ధృతం చేసేందుకు ప్రణాళికలు రచిస్తున్నారు అన్నదాతలు.
కరోనా కల్లోలం...
రైతులు నిరసనలు చేపట్టిన టిక్రి, సింఘు, ఘాజిపూర్, నోయిడా సరిహద్దు ప్రాంతాల్లో బలగాలను భారీగా మోహరించింది కేంద్రం. అయితే సింఘు సరిహద్దులో కరోనా కలకలం సృష్టించింది. ఆ ప్రాంతంలో మోహరించిన పోలీసు సిబ్బందిలో ఇద్దరికి కరోనా పాజిటివ్గా తేలింది.
![Protesting farmers threaten to block railway tracks if demands not met by govt](https://etvbharatimages.akamaized.net/etvbharat/prod-images/9839066_6.jpg)
![Protesting farmers threaten to block railway tracks if demands not met by govt](https://etvbharatimages.akamaized.net/etvbharat/prod-images/9839066_8.jpg)
ఎన్ని అడ్డంకులు వచ్చినా తాము మాత్రం వెనక్కి తగ్గేది లేదని రోడ్ల మీద బైఠాయించి నిరసనలు తెలుపుతున్నారు అన్నదాతలు. ఆందోళనల్లో భాగంగా శనివారం దిల్లీ-జైపుర్, దిల్లీ-ఆగ్రా రహదారులను దిగ్బంధిస్తామని వెల్లడించారు. టోల్ గేట్ల వద్ద రుసుము కట్టకుండా నిరసన తెలపాలని యావత్ దేశానికి పిలుపునిచ్చారు. త్వరలో రైల్వే ట్రాక్లు ముట్టిడిస్తామని స్పష్టం చేశారు.
![Protesting farmers threaten to block railway tracks if demands not met by govt](https://etvbharatimages.akamaized.net/etvbharat/prod-images/9839066_4.jpg)
![Protesting farmers threaten to block railway tracks if demands not met by govt](https://etvbharatimages.akamaized.net/etvbharat/prod-images/9839066_5.jpg)
సర్వత్రా మద్దతు...
దేశవ్యాప్తంగా రైతుల ఆందోళనలకు మద్దతు లభిస్తోంది. అమృత్సర్లోని కిసాన్ మజ్దూర్ సంఘర్ష్ కమిటీ సభ్యులు.. 700 ట్రాక్టర్లతో దిల్లీకి బయలుదేరారు. కుండ్లి సరిహద్దులో ఆందోళనలు చేపట్టేందుకు వెళుతున్నట్టు కమిటీ సభ్యులు వెల్లడించారు.
![Protesting farmers threaten to block railway tracks if demands not met by govt](https://etvbharatimages.akamaized.net/etvbharat/prod-images/9839066_2.jpg)
![Protesting farmers threaten to block railway tracks if demands not met by govt](https://etvbharatimages.akamaized.net/etvbharat/prod-images/9839066_1.jpg)
16 రోజులుగా నిర్విరామంగా పోరాడుతున్న రైతులకు స్వచ్ఛంద సంస్థలు అండగా నిలుస్తున్నాయి. అమృత్సర్కు చెందిన ఓ బృందం.. ఘాజీపుర్ సరిహద్దు వద్ద ఉన్న రైతులకు భోజనం ఏర్పాట్లు చేస్తోంది. లెక్కలేనంత మందికి ఆహారం కల్పిస్తోంది. ప్రభుత్వం అన్నదాతల మాట వినేంతవరకు కొనసాగిస్తామని స్పష్టం చేసింది.
![Protesting farmers threaten to block railway tracks if demands not met by govt](https://etvbharatimages.akamaized.net/etvbharat/prod-images/9839066_3.jpg)
![Protesting farmers threaten to block railway tracks if demands not met by govt](https://etvbharatimages.akamaized.net/etvbharat/prod-images/9839066_7.jpg)
ఇదీ చూడండి:- సాగు చట్టాల రద్దుకై రాష్ట్రపతికి విపక్షాల వినతి