Contract Workers Protest: ఛత్తీస్గఢ్ జాంజ్గిర్- ఛంపా జిల్లాలోని మండ్వాలో కలకలం రేగింది. అటల్ బిహారీ వాజ్పేయీ థర్మల్ పవర్ ప్లాంట్లో కాంట్రాక్ట్ వర్కర్లు, పోలీసులకు మధ్య ఘర్షణ జరిగింది. 20 మందికిపైగా పోలీసులకు గాయాలయ్యాయి.
ఛత్తీస్గఢ్ రాష్ట్ర విద్యుత్ సంస్థ నిర్వహిస్తున్న ప్లాంట్లోని కాంట్రాక్ట్ కార్మికులు.. తమను పర్మినెంట్ చేయాలని కొద్దిరోజులుగా నిరసనలు చేస్తున్నారు. ఈ క్రమంలోనే కరోనా కేసులు పెరుగుతున్న నేపథ్యంలో వారిని ఆ ప్రాంతాలనుంచి వెళ్లగొట్టే ప్రయత్నం చేశారు పోలీసులు, అధికార యంత్రాంగం. ఇది హింసకు దారితీసింది. నిరసన చేస్తున్న మధుమేహం, బీపీతో బాధపడుతున్న రోగులను తరలించే ఉద్దేశంతో వాటర్ కెనాన్లు ప్రయోగించారు పోలీసులు. బదులుగా ఆందోళనకారులు.. రక్షక భటులపై రాళ్లు రువ్వారు. పోలీసు వాహనాలను ధ్వంసం చేశారు. కొన్ని ప్రైవేటు వాహనాలకు నిప్పు పెట్టారు.
ఈ హింసాత్మక ఘర్షణలో 20 మంది పోలీసులకు గాయాలయ్యాయి. కాసేపు ఉద్రిక్త వాతావరణం నెలకొంది.
ప్రస్తుతం పరిస్థితి అదుపులోకి వచ్చినట్లు ఎస్పీ ప్రశాంత్ ఠాకుర్ తెలిపారు.
ఇవీ చూడండి: లా స్టూడెంట్ దారుణ హత్య- రాడ్లతో కొట్టి, 14 సార్లు కత్తులతో పొడిచి..
60 మేకలు, వందల కిలోల రైస్తో అదిరే విందు- మహిళలకు నో ఎంట్రీ!
