గుజరాత్ అహ్మదాబాద్ మెట్రో రెండవ దశ పనులతో పాటు.. సూరత్ మెట్రో ప్రాజెక్టుకు ప్రధాని నరేంద్ర మోదీ శంకుస్థాపన చేశాకు. వీడియో కాన్ఫరెన్స్ ద్వారా భూమిపూజ కార్యక్రమంలో పాల్గొన్నారు.
అహ్మాదాబాద్, సూరత్లు ఈరోజు ముఖ్యమైన కానుక అందుకుంటున్నాయని ప్రధాని మోదీ అన్నారు. ఈ మెట్రో ప్రాజెక్టులతో రెండు వాణిజ్య కేంద్రాల్లో అనుసంధానం మరింత బలోపేతమవుతుందని చెప్పారు.
అహ్మదాబాద్ మెట్రో రెండవ దశలో భాగంగా 28.25 కి.మీ. పొడవైన కారిడార్ను రూ .5,384 కోట్ల వ్యయంతో నిర్మిస్తున్నారు. ఇక నూతనంగా నిర్మించబోయే సూరత్ మెట్రో రైల్ ప్రాజెక్ట్ పొడవు 40.35 కిలోమీటర్లు. రెండు కారిడార్లున్న ఈ ప్రాజెక్టు వ్యయం రూ .12,020 కోట్లు.
గుజరాత్‌లోని రెండు ప్రధాన నగరాలకు పర్యావరణహిత, వేగవంతమైన ప్రయాణాన్ని అందించేందుకు ఈ ప్రాజెక్టులు తోడ్పడతాయని పీఎంఓ శనివారం ఒక ప్రకటనలో తెలిపింది.
