భారత రాష్ట్రపతి రామ్నాథ్ కోవింద్ రైలు ప్రయాణం చేపట్టారు. ఉత్తర్ప్రదేశ్లోని స్వస్థలానికి దిల్లీ సఫ్దర్జంగ్ నుంచి ప్రత్యేక రైలులో సతీసమేతంగా బయలుదేరారు. గత 15 ఏళ్లలో ఓ రాష్ట్రపతి రైలు ప్రయాణం చేయడం ఇదే తొలిసారి. రైల్వే శాఖ మంత్రి పీయూష్ గోయల్, రైల్వో బోర్డు ఛైర్మన్, సీఈఓ సునీత్ శర్మ.. రాష్ట్రపతి దంపతులకు వీడ్కోలు పలికారు.
రాష్ట్రపతి.. తొలుత యూపీలోని కాన్పుర్, లఖ్నవూ వెళ్తారు. ఆ తర్వాత జిన్జాక్, రురా గ్రామాల్లో పర్యటిస్తారు. ఈ సందర్భంగా పాత మిత్రులు, పాఠశాల స్నేహితులను ఆయన కలవనున్నారు.
రాష్ట్రపతి గౌరవార్థం ఈనెల 27న ప్రత్యేక కార్యక్రమాలు నిర్వహించేందుకు ఏర్పాట్లు చేపట్టారు యూపీ అధికారులు. అనంతరం 28న కాన్పుర్ నుంచి లఖ్నవూ చేరుకుంటారు. లఖ్నవూలో రెండు రోజుల పర్యటన తర్వాత దిల్లీ బయలుదేరుతారు.
ఇదీ చూడండి: రాష్ట్రపతి రైలు ప్రయాణం- 15 ఏళ్లలో తొలిసారి..
