రాష్ట్రపతి రామ్నాథ్ కోవింద్ దిల్లీ ఎయిమ్స్ నుంచి డిశ్చార్జ్ అయ్యారు. బైపాస్ సర్జరీ చేయించుకున్న ఆయన.. ఇటీవలే కోలుకున్నారు. ప్రస్తుతం రాష్ట్రపతి భవన్లో ఉన్నట్లు కోవింద్ ట్వీట్ చేశారు. ఎయిమ్స్, ఆర్మీ ఆస్పత్రి వైద్యులు, సిబ్బందికి కృతజ్ఞతలు తెలిపారు.
"సర్జరీ జరిగిన తర్వాత రాష్ట్రపతి భవన్కు చేరుకున్నాను. నేను వేగంగా కోలుకోవాలని మీరంతా చేసిన ప్రార్థనలకు కృతజ్ఞతలు. ఎయిమ్స్, ఆర్మీ ఆర్ఆర్ ఆస్పత్రి వైద్యులు, నర్సింగ్ సిబ్బంది సేవలు అసాధారణం. ప్రతి ఒక్కరికీ కృతజ్ఞుడిని. ఇంటికి తిరిగిరావడం సంతోషం."
-రాష్ట్రపతి ట్వీట్
75 ఏళ్ల కోవింద్కు.. మార్చి 30న బైపాస్ సర్జరీ జరిగింది. కోవింద్ను.. ఐసీయూ నుంచి ప్రత్యేక గదికి మార్చినట్లు ఏప్రిల్ 3న రాష్ట్రపతి కార్యాలయం వెల్లడించింది. అప్పటి నుంచి వైద్యుల పర్యవేక్షణలోనే ఉన్నారు కోవింద్.
ఇదీ చదవండి: వాడిన మాస్కులతో పరుపులు- ఓ సంస్థ నిర్వాకం
