Police Spit On Walls: సామాన్య పౌరులకు దిశానిర్దేశం చేయాల్సిన పోలీసులే.. బాధ్యతలను విస్మరించి ప్రవర్తించారు. కొవిడ్-19 వ్యాప్తి ఉన్నా పోలీస్ స్టేషన్లోనే గుట్కాతిని ఉమ్మివేశారు. పై అధికారులు పలుమార్లు చెప్పినా వినకుండా అలానే చేస్తూ వచ్చారు. ఈ ఘటన మధ్యప్రదేశ్ షాదోల్ జిల్లాలో జరిగింది.
షాదోల్ ఎస్పీ అవధేశ్ గోస్వామి.. ఘోపార్ పోలీస్ స్టేషన్లో గురువారం ఆకస్మిక తనిఖీలు నిర్వహించారు. స్టేషన్ గోడలపై పొగాకు మరకలను గుర్తించారు ఎస్పీ. అంతేకాక స్టేషన్ అపరిశుభ్రతగా ఉండటంపై ఆగ్రహం వ్యక్తంచేశారు.
పోలీస్ స్టేషన్ గోడలపై ఉమ్మిన నలుగురు పోలీసులను విధులనుంచి తొలగిస్తూ ఆదేశాలు జారీచేశారు. వీరిలో ఘోపార్ ఎస్సై నందకుమార్ కచ్వాహా, ఏఎస్సై దినేశ్ ద్వివేదీ, దేవేంద్రసింగ్, హెడ్కానిస్టేబుల్ ప్యారేలాల్ సింగ్ ఉన్నారు.
ఇదీ చూడండి: ఆన్లైన్ గేమ్స్లో అసలు పేర్లు వాడకూడదు- కేంద్రం ఆదేశాలు
