శశిథరూర్ ఆంగ్ల భాషా పరిజ్ఞానం గురించి తెలిసిందే. ఈ కేరళ కాంగ్రెస్ ఎంపీ మాట్లాడుతుంటే నిఘంటువు వెతుక్కోవాల్సిందే. తాజాగా ఆయన 'పొగోనోట్రోఫీ'(Pogonotrophy) అనే పదం వాడి ట్విటర్లో హల్చల్ సృష్టించారు. ఈ పదంతో ప్రధాని మోదీ గడ్డానికి లంకె పెట్టారు. పొగోనోట్రోఫీ అంటే గడ్డం పెంచడం. కరోనా సమయంలో మోదీ కూడా పొగోనోట్రోఫీయే చేస్తున్నారంటూ థరూర్ వ్యంగ్యాస్త్రం విసిరారు.
ఓ కొత్త పదం నేర్పాలంటూ ట్విటర్లో ఓ వైద్యురాలు అడిగిన ప్రశ్నకు థరూర్ బదులిస్తూ.. "నా స్నేహితుడు, ఆర్థికవేత్త రతిరాయ్ ఈ రోజు నాకు ఓ కొత్త పదం నేర్పించారు. పొగోనోట్రోఫీ. అంటే గడ్డం పెంచడం. మహమ్మారి వేళ ప్రధానికి కూడా పొగోనోట్రోఫీ వ్యాపకంగా మారింది" అని ట్వీట్ చేశారు.
ఇదీ చూడండి: Supreme Court: మంత్రి గురించి ప్రధాని చూసుకుంటారు!
ఇదీ చూడండి: గూగుల్, ఫేస్బుక్కు థరూర్ కమిటీ హెచ్చరిక!
