PM modi yuva shivir: అంతర్జాతీయంగా ప్రతికూల పరిస్థితులు ఏర్పడిన నేపథ్యంలో ప్రపంచ శాంతిని నెలకొల్పే సామర్థ్యం గల దేశంగా భారత్ను తీర్చిదిద్దాలని ప్రధాని నరేంద్ర మోదీ పేర్కొన్నారు. 'కరోనా ఉద్ధృతి సమయంలో ప్రపంచ దేశాలకు వ్యాక్సిన్లు, మందులు పంపిణీ చేసిన దగ్గర నుంచి అంతర్జాతీయంగా అస్థిరత ఏర్పడినా శాంతియుత దేశంగా భారత్ నిలిచింది. ప్రపంచానికి భారత్ ఇప్పుడు కొత్త ఆశాకిరణం' అని మోదీ పేర్కొన్నారు. గుజరాత్లోని వడోదరాలో నిర్వహించిన యువ శిబిర్ కార్యక్రమంలో భాగంగా ఈ వ్యాఖ్యలు చేశారు.
కుందాల్ధామ్, కరేయ్బాగ్ ప్రాంతాల్లోని శ్రీస్వామినారాయణ్ దేవస్థానం ఆధ్వర్యంలో నిర్వహించిన కార్యక్రమానికి మోదీ వర్చువల్గా హాజరయ్యారు. పురాతన సంస్కృతిని, ఆధునిక ఆలోచనలను జోడించి నవభారత్ను నిర్మించేందుకు కృషి చేస్తున్నామన్నారు మోదీ. 'ఏ సమాజానికి అయినా పునాది, అభివృద్ధి అందులో ఉండే యువతపైనే ఆధారపడి ఉంటుందని మన పూర్వికులు నేర్పించారు' అని ప్రధాని పేర్కొన్నారు.
ఇదీ చూడండి : 'మూడోసారీ నేనే ప్రధాని'... క్లారిటీ ఇచ్చిన మోదీ!
