35 పంట రకాలను జాతికి అంకితమివ్వనున్న మోదీ

ప్రత్యేక లక్షణాలున్న 35 పంట రకాలను నేడు అందుబాటులోకి తీసుకురానున్నారు ప్రధాని నరేంద్ర మోదీ(PM Modi News). వర్చువల్ వేదికగా జరిగే ఈ కార్యక్రమంలో భాగంగా.. రాయ్​పుర్​లోని నేషనల్ ఇనిస్టిట్యూట్ ఆఫ్ బయోటిక్ స్ట్రెస్ టాలరెన్స్ నూతన భవనాన్ని కూడా మోదీ ప్రారభించనున్నట్లు ప్రధాని కార్యాలయం పేర్కొంది.

వాతావరణ మార్పులకు అనుగుణంగా, టెక్నాలజీని ఉపయోగించి పంటసాగు చేసేలా ప్రజలకు పెద్ద ఎత్తున అవగాహన కల్పించేందుకు కేంద్రం ప్రయత్నాలు చేస్తోంది. ఈ మేరకు ప్రధానమంత్రి నరేంద్ర మోదీ(PM Modi news).. 35 పంట రకాలను(Latest Crop varieties) మంగళవారం జాతికి అంకితమివ్వనున్నట్లు ప్రధాని కార్యాలయం పేర్కొంది.

అయితే.. 35 సరికొత్త పంటరకాలను భారత వ్యవసాయ పరిశోధన మండలి(ఐసీఏఆర్​) అభివృద్ధి చేసినట్లు ప్రధాని కార్యాలయం వెల్లడించింది. ఈ ఏడాదిలోనే 35 వెరైటీ వంగడాలను ఐసీఏఆర్​ తయారు చేసినట్లు తెలిపింది.