PM Modi Meeting on covid-19 situation: దేశవ్యాప్తంగా ఒమిక్రాన్ కలకలం రేపుతోంది. ఈ వేరియంట్ కేసులు 250కి చేరువైన నేపథ్యంలో పలు రాష్ట్రాలు అప్రమత్తమవుతున్నాయి. అయితే.. గురువారం దేశవ్యాప్తంగా కొవిడ్-19 పరిస్థితిపై సమీక్షించనున్నారు ప్రధాని నరేంద్ర మోదీ. ఈ మేరకు మోదీ ఉన్నతాధికారులతో సమావేశం కానున్నట్లు అధికార వర్గాలు పేర్కొన్నాయి.
దేశంలో బుధవారం నాటికి 213 మందికి ఒమిక్రాన్ సోకినట్లు వైద్యారోగ్య శాఖ వెల్లడించింది. 15 రాష్ట్రాల్లో, కేంద్ర పాలిత ప్రాంతాల్లో ఒమిక్రాన్ కేసులు వెలుగుచూసినట్లు పేర్కొంది.
బూస్టర్ డోసు కావాలంటూ..
రెండు డోసుల కొవిడ్ టీకా తీసుకున్నవారు బూస్టర్ డోసు తీసుకునేలా ప్రభుత్వం అనుమతించాలని పలుచోట్ల డిమాండ్ వ్యక్తమవుతోంది. చాలా దేశాల్లో బూస్టర్ డోసు పంపిణీ జరుగుతోందని కొందరు చెబుతున్నారు. భారత్ కూడా అదే దిశగా వెళ్లాలని ఆశిస్తున్నారు.
డెల్టా కంటే మూడు రెట్లు వేగంగా..
ప్రపంచాన్ని కలవరపెడుతున్న ఒమిక్రాన్‌పై కేంద్ర ప్రభుత్వం రాష్ట్రాలను మరోసారి అప్రమత్తం చేసింది. డెల్టా రకంతో పోలిస్తే ఈ కొత్త వేరియంట్ కనీసం మూడు రెట్లు అధికంగా వ్యాప్తి చెందుతోందని పేర్కొంది. అందువల్ల మరింత దూరదృష్టితో వ్యవహరించి డేటాని సమగ్రంగా విశ్లేషించాలని, డైనమిక్‌గా నిర్ణయాలు తీసుకోవాలని కేంద్ర ఆరోగ్యశాఖ కార్యదర్శి రాజేశ్‌ భూషణ్‌ సూచించారు. మంగళవారం సాయంత్రం ఆయన రాష్ట్రాలు/ కేంద్రపాలిత ప్రాంతాల అధికార యంత్రాంగాలకు లేఖలు రాశారు. ఒమిక్రాన్‌ని కట్టడి చేసేందుకు తక్షణమే వార్‌రూమ్‌లను యాక్టివేట్‌ చేయాలన్నారు.
ఇదీ చదవండి:
