భారత్ ఇప్పటివరకు ప్రపంచవ్యాప్తంగా 70 దేశాలకు 5.8కోట్ల టీకా డోసులను చేరవేసిందని ప్రధాని నరేంద్ర మోదీ తెలిపారు. ఓ వైపు కరోనా కష్టాలను ఎదుర్కొంటూనే ఇతర దేశాల అవసరాలను తీర్చిందని చెప్పారు. ఫిన్లాండ్ ప్రధాని సన్నా మారిన్తో మోదీ వర్చువల్గా సమావేశమయ్యారు. ఇరు దేశాల ద్వైపాక్షిక సంబంధాల బలోపేతంపై చర్చించారు.
భారత్, ఫిన్లాండ్ నియమాల ఆధారిత, పారదర్శక, మానవతా, ప్రజాస్వామ్య ప్రపంచ క్రమాన్ని విశ్వసిస్తాయని మోదీ అన్నారు. సాంకేతిక పరిజ్ఞానం, ఆవిష్కరణ, క్లీన్ ఎనర్జీ, పర్యావరణం, విద్య వంటి రంగాల్లో ఇరు దేశాలు బలమైన సహకారాన్ని కలిగి ఉన్నాయని తెలిపారు. ఇంటర్నేషనల్ సోలార్ అలియన్స్, డిజాస్టర్ రెసిలియంట్ ఇన్ఫ్రాస్ట్రక్చర్లో చేరాలని ఫిన్లాండ్ ప్రధానిని మోదీ కోరారు. ఈ రెండు సంస్థలు భారత్ ప్రతిపాదన మేరకు ఏర్పడ్డాయి. ఫిన్లాండ్ సామర్థ్యం, నైపుణ్యాల ద్వారా ఈ రెండు సంస్థలు ప్రయోజనం పొందుతాయని మోదీ అన్నారు.
విద్య, సాంకేతిక పరిజ్ఞానం, వాణిజ్యం వంటి రంగాల్లో ద్వైపాక్షిక సంబంధాలను మరింత బలోపేతం చేయడానికి అవకాశం ఉందని ఫిన్లాండ్ ప్రధాని సన్నా మారిన్ చెప్పారు.
ఇదీ చూడండి: 'దేశద్రోహం'పై లోక్సభలో మాటల యుద్ధం
