భారత్లో ఏడాదికి 850 మిలియన్ల స్పుత్నిక్- వీ కొవిడ్ టీకా డోసులను ఉత్పత్తి చేస్తామని రష్యా రాయబారి ఎన్ కుదేశవ్ తెలిపారు. సింగిల్ డోసు టీకా 'స్పుత్నిక్ లైట్'ను త్వరలోనే భారత్లోకి తీసుకువచ్చే ప్రణాళికలు చేస్తున్నట్లు చెప్పారు.
"ప్రపంచవ్యాప్తంగా స్పుత్నిక్- వీ టీకా సామర్థ్యం అందరికీ తెలుసు. రష్యాలో 2020 అర్ధభాగం నుంచే దీన్ని వినియోగించటం ప్రారంభించాం. కొవిడ్ స్ట్రెయిన్లపై ఈ టీకా సమర్థంగా పని చేస్తుందని రష్యా శాస్త్రవేత్తలు ఇదివరకే స్పష్టం చేశారు."
-ఎన్ కుదేశవ్, రష్యా రాయబారి
స్పుత్నిక్- వీ టీకా ధరపై డాక్టర్ రెడ్డీస్ శుక్రవారం ప్రకటన విడుదల చేసింది. రష్యన్ డైరెక్ట్ ఇన్వెస్ట్‌మెంట్ ఫండ్ రూపొందించిన ఈ టీకా ఒక్క డోసు ధర 995.40 రూపాయలని వెల్లడించింది. స్థానికంగా పంపిణీ ప్రారంభం అయ్యాక టీకా ధర తగ్గే అవకాశం ఉందని పేర్కొంది.
ఇదీ చూడండి: భారత్లో తొలి సింగిల్ డోస్ టీకా అదేనా?
ఇదీ చూడండి: స్పుత్నిక్-వీ టీకాల కోసం డాక్టర్ రెడ్డీస్కు కేజ్రీ లేఖ
