కర్ణాటక ప్రభుత్వానికి ఆ రాష్ట్ర హైకోర్టు మంగళవారం నోటీసులు జారీ చేసింది. గోవధపై జారీ చేసిన ఆర్డినెన్సును తప్పుపడుతూ ఆరిఫ్ జమీల్ అనే సామాజిక కార్యకర్త ప్రజా ప్రయోజన వ్యాజ్యం దాఖలు చేశారు. ఈ పిల్పై ఫిబ్రవరి 17లోగా కౌంటరు దాఖలు చేయాలని హైకోర్టు ప్రభుత్వాన్ని ఆదేశించింది.
ఈ ఆర్డినెన్స్ పశు రవాణాకు ఇబ్బందిగా మారుతోందని, కాబట్టి దీనిపై స్టే విధించాలని పిల్లో కోరారు జమీల్. పిటిషనర్ ఆరోపణలపై వివరణ ఇవ్వాలని న్యాయస్థానం ఆదేశించగా.. కొంత సమయం కావాలని ప్రభుత్వం కోరింది. తదుపరి విచారణను కోర్టు జనవరి 18కి వాయిదా వేసింది.
ఇదీ చదవండి : సుప్రీం నిర్ణయాన్ని స్వాగతిస్తున్నాం.. కానీ: రైతులు
