PGCIL Engineer Trainee Jobs : పవర్గ్రిడ్ కార్పొరేషన్ ఆఫ్ ఇండియా లిమిటెడ్ (PGCIL) 184 ఇంజినీర్ ట్రైనీ పోస్టుల భర్తీ కోసం నోటిఫికేషన్ విడుదల చేసింది. ఎలక్ట్రికల్, సివిల్, ఎలక్ట్రానిక్స్, కంప్యూటర్ సైన్స్ చేసిన అభ్యర్థులు ఈ పోస్టులకు అర్హులు. ఆసక్తిగల అభ్యర్థులు గడువులోగా ఆన్లైన్లో దరఖాస్తు చేసుకోవాల్సి ఉంటుంది.
ఉద్యోగాల వివరాలు
- ఇంజినీర్ ట్రైనీ (ఎలక్ట్రికల్) - 144 పోస్టులు
- ఇంజినీర్ ట్రైనీ (సివిల్) - 28 పోస్టులు
- ఇంజినీర్ ట్రైనీ (ఎలక్ట్రానిక్స్) - 06 పోస్టులు
- ఇంజినీర్ ట్రైనీ (కంప్యూటర్ సైన్స్) - 06 పోస్టులు
- మొత్తం పోస్టులు - 184
విద్యార్హతలు
PGCIL Engineer Trainee Qualifications : అభ్యర్థులు ఆయా పోస్టులను అనుసరించి, ఎలక్ట్రికల్/ సివిల్/ ఎలక్ట్రానిక్స్/ కంప్యూటర్ సైన్ విభాగాల్లో మినిమం 60 శాతం మార్కులతో ఇంజినీరింగ్ పూర్తి చేసి ఉండాలి. అలాగే కచ్చితంగా GATE 2023 వ్యాలీడ్ స్కోర్ కూడా కలిగి ఉండాలి.
వయోపరిమితి
PGCIL Engineer Trainee Age Limit : అభ్యర్థుల వయస్సు 2023 నవంబర్ 10 నాటికి గరిష్ఠంగా 28 ఏళ్లులోపు ఉండాలి. అయితే ప్రభుత్వ నిబంధనల ప్రకారం, ఆయా కేటగిరీల వారికి వయోపరిమితి నుంచి మినహాయింపులు లభిస్తాయి.
దరఖాస్తు రుసుము
PGCIL Engineer Trainee Application Fee : అభ్యర్థులు అప్లికేషన్ ఫీజుగా రూ.500 చెల్లించాలి. అయితే ఎస్సీ, ఎస్టీ, దివ్యాంగులు, ఎక్స్-సర్వీస్మెన్లకు దరఖాస్తు రుసుము నుంచి పూర్తి మినహాయింపు ఇచ్చారు.
ఎంపిక ప్రక్రియ
PGCIL Engineer Trainee Selection Process : గేట్ 2023లో వచ్చిన మార్కులకు - 85 శాతం; గ్రూప్ డిస్కషన్కు - 3 శాతం; పర్సనల్ ఇంటర్య్వూకు - 12 శాతం వెయిటేజీ ఇస్తారు. గేట్ మార్కులతోపాటు.. అభ్యర్థులకు బిహేవియరల్ అసెస్మెంట్, గ్రూప్ డిస్కషన్, పర్సనల్ ఇంటర్వ్యూ నిర్వహించి.. వీటిలో ఉత్తీర్ణులైన అభ్యర్థులను ఆయా పోస్టులకు ఎంపిక చేస్తారు.
నోట్ : ఇంటర్వ్యూ హిందీ/ ఇంగ్లీష్ మాధ్యమాల్లో నిర్వహించడం జరుగుతుంది.
జీతభత్యాలు
PGCIL Engineer Trainee Salary : ఇంజినీర్ ట్రైనీ పోస్టులకు ఎంపికైన అభ్యర్థులకు నెలకు రూ.40,000 నుంచి రూ.1,40,000 వరకు జీతం అందిస్తారు.
దరఖాస్తు విధానం
PGCIL Engineer Trainee Application Process :
- అభ్యర్థులు ముందుగా పవర్గ్రిడ్ కార్పొరేషన్ ఆఫ్ ఇండియా అధికారిక వెబ్సైట్ https://www.powergrid.in/ ఓపెన్ చేయాలి.
- వెబ్సైట్లో మీ వ్యక్తిగత, విద్యార్హతల వివరాలు నమోదు చేసి రిజిస్టర్ చేసుకోవాలి.
- అప్లికేషన్ ఫారమ్లో మీ గేట్ 2023 అడ్మిట్ కార్డ్/ స్కోర్ కార్డ్ వివరాలు నమోదు చేయాలి.
- అన్ని వివరాలు మరోసారి చెక్ చేసుకుని.. అప్లికేషన్ సబ్మిట్ చేయాలి.
- భవిష్యత్ అవసరాల కోసం అప్లికేషన్ ప్రింట్అవుట్ను భద్రపరుచుకోవాలి.
ముఖ్యమైన తేదీలు
PGCIL Engineer Trainee Apply Last Date :
- దరఖాస్తు స్వీకరణ ప్రారంభ తేదీ : 2023 అక్టోబర్ 20
- దరఖాస్తుకు ఆఖరు తేదీ : 2023 నవంబర్ 10
