రైతుల ఉద్యమం మరో 7-8 నెలల వరకు కొనసాగుతుందని అన్నారు భారతీయ కిసాన్ యూనియన్ నేత రాకేశ్ టికాయిత్. రైతుల డిమాండ్లను నేరవేర్చేవరకు వెనకడుగు వేయమని స్పష్టం చేశారు. రాజస్థాన్లోని దౌసా జిల్లాలో ఏర్పాటు చేసిన మీడియా సమావేశంలో ఈ వ్యాఖ్యలు చేశారు.
"గుజరాత్ ప్రజలు భాజపా గుప్పిట్లో ఉన్నారు. భాజపా నుంచి వారికి విముక్తి కావాలి."
--రాకేశ్ టికాయిత్, బీకేయూ నేత.
బంగాల్లో ఎన్నికల నేపథ్యంలో భాజపా వాగ్దానాలను టికాయిత్ తప్పుపట్టారు. 'బంగాల్లో 'ఏక్ ముత్తి ఛావల్' అని భాజపా నినదిస్తోంది. కానీ, రైతులకు కనీస మద్దతు ధర కల్పించేందుకు ముందుకు రాదు' అని భాజపాపై మండిపడ్డారు.
