కొవిడ్-19 తీవ్రత, ప్రస్తుత పరిస్థితులను దృష్టిలో ఉంచుకొని కొత్త విద్యా సంవత్సరం ప్రారంభమయ్యే ఏప్రిల్లోనే పాఠశాలలు తెరవాలని 69 శాతం మంది తల్లిదండ్రులు భావిస్తున్నారని ఓ సర్వేలో తేలింది. 19 శాతం మంది మాత్రమే జనవరిలో ప్రారంభించాలంటున్నారని వెల్లడైంది. దేశవ్యాప్తంగా 19వేల మంది తల్లిదండ్రులపై 'లోకల్ సర్కిల్స్' అనే ఆన్లైన్ సంస్థ ఈ సర్వేను నిర్వహించింది.
టీకా విషయంలోనూ..
టీకా విషయంలోనూ తల్లిదండ్రులు తొందరపడటం లేదని సర్వే ద్వారా తెలుస్తోంది. కేవలం 26 శాతం మంది మాత్రమే ఏప్రిల్ కల్లా తమ పిల్లలకు టీకా వేయించుకోవాలి అనుకుంటున్నారట. 56 శాతం మంది మాత్రం వేచి చూద్దామనే ధోరణిలో ఉన్నారు. టీకా డేటా, సమర్థతకు సంబంధించిన సమగ్ర వివరాలు అందుబాటులోకి వచ్చాకే వ్యాక్సిన్ విషయంలో ముందుకెళ్లాలని భావిస్తున్నట్టు సర్వేలో తేలింది.
ఇదీ చదవండి: 8వ అత్యధిక ఉష్ణోగ్రతల సంవత్సరంగా 2020
