కుంభమేళాలో ఏప్రిల్ 10 నుంచి ఏప్రిల్ 14 మధ్య 1,701 కరోనా కేసులు నమోదయ్యాయి. కుంభమేళా కొనసాగిన హరిద్వార్ నుంచి దేవప్రయాగ వరకు ఈ కేసులు వెలుగులోకి వచ్చాయి. ప్రపంచంలోనే అతిపెద్ద మతపరమైన వేడుక కారణంగా కరోనా కేసులు ఇంకా పెరిగే అవకాశం ఉంది.
ఆర్టీపీసీఆర్ ద్వారా జరిపిన పరీక్షల్లో కొన్నింటి రిపోర్టులు ఇంకా రావాల్సి ఉంది. వాటిని పరిగణలోకి తీసుకుంటే కొత్త కేసుల సంఖ్య రెండు వేలు దాటే అవకాశం ఉందని అధికారులు తెలిపారు.
ఏప్రిల్ 12, 14 తేదీల్లో జరిగిన పవిత్ర స్నానాల్లో భక్తులు.. కరోనా నియమాలను ఉల్లంఘించారు. ఈ రెండు రోజుల్లో 48.05 లక్షల మంది కుంభమేళాలో పాల్గొన్నారు.
ఇదీ చదవండి: ఆక్సిజన్ తొలగించిన వార్డ్ బాయ్- కొవిడ్ రోగి మృతి!
