ఉత్తర్ప్రదేశ్ హమీర్పుర్లో ఓ విచిత్ర ఘటన జరిగింది. పెళ్లయిన మరుసటి రోజే బిడ్డకు జన్మనిచ్చింది ఓ మహిళ. నవజాత శిశువు పుట్టగానే బాధితురాలి భర్త ఆస్పత్రి నుంచి పరారయ్యాడు. దీంతో బాధితురాలు పోలీసులకు ఫిర్యాదు చేసింది.
పోలీసులు తెలిపిన ప్రకారం.. బాధితురాలు ఓ వ్యక్తి తనను ప్రేమ పేరుతో మోసగించి గర్భం దాల్చేలా చేశాడని సెప్టెంబరు 13న పోలీసులకు ఫిర్యాదు చేసింది. ప్రస్తుతం తాను ఎనిమిది నెలల గర్భిణీనని ఫిర్యాదులో పేర్కొంది. తనకు న్యాయం చేయాలని పోలీసులను కోరింది. దీంతో పోలీసులు ఆమె ప్రియుడ్ని పోలీస్స్టేషన్కు పిలిపించి పెళ్లికి ఒప్పించారు.
సెప్టెంబరు 28న బాధితురాలికి ఆమె ప్రియుడితో వివాహమైంది. ఆ మరుసటి రోజే బాధితురాలికి పురిటినొప్పులు వచ్చాయి. దీంతో ఆమెను ప్రభుత్వాస్పత్రిలో చేర్పించగా మగబిడ్డకు జన్మనిచ్చింది. ఈ క్రమంలో ఆమె భర్త ఆస్పత్రి నుంచి పరారయ్యాడు. బాధితురాలు, నవజాత శిశువు ఆరోగ్యం క్షీణించింది. దీంతో వైద్యులు హమీర్‌పుర్ జిల్లా ఆసుపత్రికి రిఫెర్ చేశారు.
అయితే మళ్లీ బాధితురాలు పోలీసులకు ఫిర్యాదు చేసింది. తన భర్త తనను, బిడ్డను వదిలేసి వెళ్లిపోయినట్లు తెలిపింది. పోలీసులు వెళ్లి అతడ్ని వెతికి స్టేషన్కు తీసుకొచ్చారు.
ఇవీ చదవండి: బాలికపై గ్యాంగ్రేప్.. నిందితుల్లో ఇద్దరు పోలీసులు.. జాబ్ పేరుతో లైంగిక వేధింపులు!
భర్తకు గుండెపోటు.. నోటి ద్వారా శ్వాస అందించి ప్రాణం పోసిన భార్య!
