Omicron in Rajasthan: దేశంలో ఒమిక్రాన్ తీవ్రత పెరుగుతోంది. రాజస్థాన్లో కొత్తగా నాలుగు కేసులు వెలుగులోకి వచ్చాయి. బాధితులంతా విదేశాల నుంచి వచ్చినవారేనని అధికారులు తెలిపారు. జీనోమ్ సీక్వెన్సింగ్ నిర్వహించిన తర్వాత ఫలితాలు పాజిటివ్గా వచ్చాయని వెల్లడించారు.
India Omicron cases
బాధితులు భారత్కు రాగానే ఎయిర్పోర్ట్లో కొవిడ్ నిర్ధరణ పరీక్షలు నిర్వహించారు. అందులో కరోనా ఉన్నట్లు స్పష్టమైంది. దీంతో వీరిని ఐసోలేషన్కు తరలించి.. నమూనాలను జీనోమ్ సీక్వెన్సింగ్ కోసం ఎస్ఎంఎస్ మెడికల్ కళాశాలకు పంపించారు. ఈ రిపోర్టుల్లో ఒమిక్రాన్ ఉన్నట్లు తేలింది.
కాంటాక్ట్ ట్రేసింగ్
దీంతో బాధితులకు సన్నిహితంగా మెలిగినవారి వివరాలను సేకరించే ప్రయత్నం చేస్తున్నారు అధికారులు. ప్రస్తుతం ఒమిక్రాన్ సోకిన వ్యక్తుల ఆరోగ్యం బాగానే ఉందని చెప్పారు. ఇప్పటికే జైపుర్లో 9 మంది బాధితులు ఒమిక్రాన్ బారినపడ్డారు.
ఆదివారం పలు రాష్ట్రాల్లో తొలి ఒమిక్రాన్ కేసు నమోదైంది. చండీగఢ్, కేరళ, మహారాష్ట్ర, కర్ణాటకలో కేసులు వెలుగుచూశాయి.
ఇదీ చదవండి: మరిన్ని రాష్ట్రాలకు ఒమిక్రాన్ వ్యాప్తి.. దేశంలో 38కి చేరిన కేసులు
