రిలయన్స్ ఇండస్ట్రీస్ ఛైర్మన్ ముకేశ్ అంబానీ ఇంటి వద్ద పేలుడు పదార్థాల కేసులో సస్పెండైన పోలీసు అధికారి సచిన్ వాజేకు కస్టడీని ఏప్రిల్ 7 వరకు ఎన్ఐఏ న్యాయస్థానం పొడిగించింది. ఇంతకు ముందు ఉన్న రిమాండ్ గడువు ముగియగా.. మరో ఆరు రోజులపాటు కస్టడీని పెంచాలని న్యాయస్థానాన్ని ఎన్ఐఏ కోరింది.
కేసులో స్వాధీనం చేసుకున్న సీసీటీవీ వీడియో, ల్యాప్టాప్లను ఏజెన్సీ పరిశీలించాల్సి ఉందని ఎన్ఐఏ తరుపు న్యాయవాది తెలిపారు. ఇరుపక్షాల వాదనలు విన్న న్యాయస్థానం.. ఏప్రిల్ 7 వరకు కస్టడీని పెంచింది.
ప్రముఖ పారిశ్రామికవేత్త ముకేశ్ అంబానీ ఇంటికి సమీపంలో పేలుడు పదార్థాల వాహనాన్ని ఫిబ్రవరి 25న పోలీసులు కనుగొన్నారు. దాని యజమానిగా భావిస్తున్న హిరేన్‌ మన్‌సుఖ్‌ మృతి చెందారు.
ఇదీ చదవండి: సచిన్ వాజే అడ్డా.. రూమ్ నంబరు 1964!
