BSF Jobs: భారత సరిహద్దు దళంలో(BSF) జూనియర్ ఇంజినీర్, సబ్ ఇన్స్పెక్టర్, ఇన్స్పెక్టర్ విభాగాల్లో ఖాళీలున్నాయి. ఆసక్తి గల యువతీ యువకులు ఈ పోస్టుల కోసం దరఖాస్తు చేసుకోవచ్చు. మరి దీనికి విద్యార్హతలు ఏంటి? దరఖాస్తుకు చివరి తేదీ ఎప్పుడు? జీతమెంత? వంటి వివరాలు ఇప్పుడు చూద్దాం.
- బీఎస్ఎఫ్ మొత్తం 90 పోస్టులకు దరఖాస్తులు ఆహ్వానిస్తోంది. ఇన్స్పెక్టర్(ఆర్కిటెక్ట్) 1, జూనియర్ ఇంజినీర్, సబ్ఇన్స్పెక్టర్ (ఎలక్ట్రికల్) 32, సబ్ ఇన్స్పెక్టర్(వర్స్క్) 57 పోస్టులు ఖాళీగా ఉన్నాయి.
- ఆర్కిటెక్ట్ పోస్టు కోసం అప్లై చేసేవారు సంబంధిత విభాగంలో డిగ్రీ పూర్తి చేసి ఉండాలి. ఇన్స్పెక్టర్, జూనియర్ ఇంజినీర్ పోస్టుల కోసం దరఖాస్తు చేసే వారు సంబంధిత విభాగాల్లో కనీసం డిప్లొమా అయినా పూర్తి చేసి ఉండాలి.
- ఆసక్తి గల వారు బీఎస్ఎఫ్ అధికారిక వెబ్సైట్ https://rectt.bsf.gov.in/ ద్వారా ఆన్లైన్లో మాత్రమే అప్లై చేసుకోవాలి.
- జూన్ 8, 2022 వరకు దరఖాస్తులను స్వీకరిస్తారు.
- ఇన్స్పెక్టర్(ఆర్కిటెక్ట్) జీతం రూ.44,900-రూ.1,42,400వరకు ఉంటుంది.
- సబ్ ఇన్స్పెక్టర్(వర్క్స్), జూనియర్ ఇంజినీర్/సబ్ ఇన్స్పెక్టర్(ఎలక్ట్రికల్) జీతం రూ.35,400-రూ.1,12,400 వరకు ఉంటుంది.
- యువకులు రూ.200 రిజిస్ట్రేషన్ ఫీజు చెల్లించాల్సి ఉంటుంది. అమ్మాయిలు, ఎస్సీ, ఎస్టీ వారికి ఎలాంటి ఫీజు ఉండదు.
- మొదట రాత పరీక్ష, ఆ తర్వాత డాక్యుమెంటేషన్, ఫిజికల్, మెడికల్ టెస్టుల ఆధారంగా అభ్యర్థులను ఎంపిక చేస్తారు.
- వయస్సు: దరఖాస్తు చివరి తేది నాటికి 30 ఏళ్లకు మించొద్దు.
ఇదీ చదవండి: 160కి 173 మార్కులు.. ఆ టీచర్ల లెక్కలకు విద్యార్థులే షాక్!
