గర్భిణీకి వైద్యం నిరాకరణ.. బిడ్డను కోల్పోయి వేదన

పురిటి నొప్పులతో బాధపడుతున్న గర్భిణీకి వైద్యం అందక ఆస్పత్రి ఎదుటే ప్రసవించింది. నవజాత శిశువు పుట్టగానే చనిపోయింది. ఈ ఘటన కర్ణాటకలోని మండ్యలో జరిగింది.

కర్ణాటకలోని మండ్యలో హృదయవిదారక ఘటన చోటు చేసుకుంది. పురిటి నొప్పులతో బాధపడుతున్న గర్భిణీకి వైద్యం అందక ఆస్పత్రి ఎదుటే ప్రసవించింది. నవజాత శిశువు పుట్టగానే చనిపోయింది.

మంగళవారం పురిటి నొప్పులతో బాధపడుతున్న సోనూ.. మండ్యలోని ఎమ్​ఐఎమ్​ ఆస్పత్రికి వెళ్లారు. కొవిడ్ రిపోర్ట్‌ లేదని వైద్యం చేసేందుకు డాక్టర్లు నిరాకరించారు. కుటుంబ సభ్యులు ప్రాధేయపడినా పురుడు పోసేందుకు ముందుకు రాలేదు. నొప్పులు తాలలేక సోనూ అక్కడే ప్రసవించింది. ప్రసవించిన కొద్దిసేపటికే బిడ్డను కోల్పోయి కన్నీరుమున్నీరైంది.

ఇదీ చదవండి: బాంబులతో దాడి చేసి.. రూ.11లక్షలు చోరీ