దేశంలో నిషేధిత మత్తు పదార్థాల రవాణాను అడ్డుకోవడంలో భాగంగా నిర్వహించిన తనిఖీల్లో ఇద్దరు శ్రీలంకన్లను అధికారులు అరెస్టు చేశారు. వారి నుంచి రూ.1,000 కోట్లు విలువైన 100కిలోల హెరాయిన్ స్వాధీనం చేసుకున్నారు.
నిందితులు తమిళనాడు చెన్నైలో అక్రమంగా నివసిస్తున్న ఎంఎంఎం నవాజ్, మహ్మద్ అఫ్నాస్లుగా గుర్తించారు. వారికి పాకిస్థాన్, అఫ్గానిస్థాన్, ఇరాన్, మాల్దీవుస్ సహా ఆస్ట్రేలియా దేశాలతోనూ సంబంధాలున్నట్లు మాదక ద్రవ్యాల నియంత్రణ సంస్థ(ఎన్సీబీ) అధికారులు పేర్కొన్నారు.
నవాస్, మహ్మద్లు.. అంతర్జాతీయంగా డ్రగ్స్ సరఫరా చేయడంలో కీలక పాత్ర పోషిస్తున్నట్లు ఎన్సీబీ డిప్యూటీ డైరెక్టర్ కేపీఎస్ మల్హోత్రా తెలిపారు. నవాజ్పై ఇంటర్పోల్ అధికారులు అరెస్టు వారెంట్ కూడా జారీ చేసినట్లు పేర్కొన్నారు.
ఇదీ చూడండి: డ్రగ్స్ ముఠా గుట్టురట్టు- దావూద్ అనుచరుడు అరెస్ట్
