పరిశోధనల కోసం ఆస్పత్రికి ఆ విద్యార్థి మృతదేహం

Naveen Shekharappa: ఉక్రెయిన్​లో చనిపోయిన భారతీయ విద్యార్థి నవీన్​ శేఖరప్ప మృతదేహాన్ని ఎస్​ఎస్​ హైటెక్​ ఆస్పత్రికి అప్పగించారు కుటుంబ సభ్యులు. ఖర్కీవ్​లో జరిగిన పేలుళ్లలో మార్చి 1న నవీన్​ ప్రాణాలు కోల్పోయాడు. సోమవారం తెల్లవారుజామున నవీన్​ మృతదేహం బెంగళూరుకు చేరుకుంది.

Naveen Shekharappa: రష్యా యుద్ధంతో ఉక్రెయిన్​లో చనిపోయిన భారతీయ విద్యార్థి నవీన్​ శేఖరప్ప మృతదేహాన్ని దేవనగరేలోని ఎస్​ఎస్​ హైటెక్​ ఆస్పత్రికి అప్పగించారు అతని కుటుంబ సభ్యులు. తండ్రి శేఖరప్ప గ్యానగౌదర్​, తల్లి విజయలక్ష్మీ, సోదరుడు హర్షల ఆధ్వర్యంలో నవీన్​ పార్థివదేహాన్ని ఆస్పత్రికి చెందిన ఆర్గన్​ అనాటమీ డిపార్ట్​మెంట్​కు అందజేశారు. తాను ఇదివరకు చెప్పినట్లుగానే తన కుమారుడి పార్థివదేహాన్ని పరిశోధనలకు ఉపయోగపడేలా ఆస్పత్రికి అప్పగించానని శేఖరప్పు వెల్లడించారు. ఈ సందర్భంగా ఆయన భావోద్వేగానికి గురయ్యారు.

ఉక్రెయిన్​లో ఎంబీబీఎస్​ చదువుతున్న నవీన్​.. ఖర్కీవ్‌ ప్రాంతంలో ఇరుదేశాల సైనికుల మధ్య జరిగిన పేలుళ్లలో మార్చి 1న​ ప్రాణాలు కోల్పోయారు. సోమవారం తెల్లవారుజామున నవీన్​ మృతదేహం బెంగళూరు చేరుకుంది. నవీన్​ పార్థివదేహానికి కర్ణాటక ముఖ్యమంత్రి బసవరాజ్​ బొమ్మై నివాళులు అర్పించారు.

ఇదీ చూడండి : భుజాలపై కుమారుడి శవం.. గుండె నిండా దుఃఖం.. అర కిలోమీటరు నడుస్తూ...