Sharad Pawar Health: ఎన్సీపీ అధినేత, కేంద్ర మాజీ మంత్రి శరద్ పవార్ అనారోగ్యానికి గురయ్యారు. మూడు రోజుల పాటు ఆయన ముంబయిలోని బ్రీచ్ క్యాండీ ఆస్పత్రిలో చికిత్స పొందనున్నారని పార్టీ ఒక ప్రకటనలో తెలిపింది. ఆ మూడు రోజులపాటు ఆయన పాల్గొనబోయే పార్టీ కార్యక్రమాలను రద్దు చేస్తున్నట్లు ప్రకటించింది.
మూడు రోజుల చికిత్స అనంతరం నవంబర్ 3న ఆసుపత్రి నుంచి శరద్ పవార్ తన ఇంటికి చేరుకుంటారని పార్టీ వర్గాలు వెల్లడించాయి. ఆ తర్వాత నవంబర్ 4, 5 తేదీల్లో షిర్డీలో జరిగబోయే ఎన్సీపీ క్యాంపునకు ఆయన హాజరవుతారని తెలిపాయి.
గత ఏడాది ఏప్రిల్‌లో శరద్ పవార్ పిత్తాశయ సమస్య కారణంగా బ్రీచ్ క్యాండీ ఆసుపత్రిలో చేరారు. ఆ సమయంలో ఆయనకు మూడు సర్జరీలు జరిగాయి. అయితే ఇప్పుడు మళ్లీ ఆయన ఎందుకు ఆసుపత్రిలో చేరారు అనే విషయంపై ఇంకా ఎలాంటి సమాచారం లేదు.
