దేశవ్యాప్తంగా కలకలం రేపిన మైసూరు గ్యాంగ్ రేప్ కేసు(Mysuru gang rape case)లో పురోగతి లభించింది. కర్ణాటక పోలీసులు ఐదుగురు నిందితులను అదుపులోకి తీసుకున్నారు.
నిందితులంతా తమిళనాడుకు చెందిన వారిగా తెలిపారు కర్ణాటక డీజీ & ఐజీపీ. అందులో ఒకరు జువైనల్గా భావిస్తున్నట్లు వివరించారు. మరో నిందితుడు పరారీలో ఉన్నట్లు పేర్కొన్నారు. ఇది పథకం ప్రకారమే జరిగిందని చెప్పలేమని అన్నారు. నిందితులు రూ.3 లక్షలు డిమాండ్ చేశారని, డబ్బులు ఇవ్వకపోవడం వల్ల.. ఈ ఘాతుకానికి పాల్పడ్డారని వివరించారు.
బాధితురాలితో పాటు ఆమె స్నేహితుడు స్పృహలోకి రానందున.. వారి నుంచి వివరాలేవీ సేకరించలేదని పోలీసులు వెల్లడించారు. అయితే శాస్త్రీయ, సాంకేతిక ఆధారాలను బట్టి నిందితులను పట్టుకున్నట్లు చెప్పారు. ఈ కేసు దర్యాప్తులో పాల్గొన్న బృందానికి రూ.5 లక్షల రివార్డు ప్రకటించినట్లు తెలిపారు.
ఏం జరిగిందంటే..
మైసూర్లోని ఓ ప్రైవేట్ కళాశాలలో చదువుకుంటున్న ఉత్తర్ప్రదేశ్కు చెందిన విద్యార్థిని ఇటీవల తన బాయ్ఫ్రెండ్తో కలిసి చాముండి హిల్స్ ప్రాంతానికి వెళ్లింది. అక్కడి నుంచి బైక్పై తిరిగి వస్తుండగా.. కొందరు యువకులు వారిని అడ్డగించారు. డబ్బులు ఇవ్వాలని డిమాండ్ చేశారు.
వారి వద్ద పెద్దగా నగదు లేకపోవడం వల్ల.. దుండగులు దాడి చేశారు. యువతి బాయ్ఫ్రెండ్ను చితకబాదారు. లలితాద్రిపుర రహదారి వద్ద యువతిపై అత్యాచారానికి ఒడిగట్టారని తెలిసింది.
ఇదీ చదవండి: బాలికపై సామూహిక అత్యాచారం- 10గంటల్లోనే పట్టుకున్న పోలీసులు
