ఐదేళ్ల చిన్నారికి బైక్​ డ్రైవింగ్​​ - తండ్రి లైసెన్స్ రద్దు

ఐదేళ్ల కుమారునికి ద్విచక్రవాహనం డ్రైవింగ్​ అప్పగించి చిక్కుల్లో పడ్డాడో తండ్రి. గమనించిన అధికారులు తండ్రి డ్రైవింగ్​ లైసెన్స్​ను రద్దు చేశారు. ఈ సంఘటన కేరళలోని మలప్పురంలో జరిగింది.

ఐదేళ్ల కుమారుడికి ద్విచక్ర వాహనం డ్రైవింగ్​ను అప్పగించాడు ఓ తండ్రి. ఆ తండ్రి డ్రైవింగ్​ లైసెన్స్​ను మోటార్​వాహన విభాగం అధికారులు రద్దు చేశారు. ఈ ఘటన కేరళలోని మలప్పురం జిల్లాలో జరిగింది. వారి వీడియో సామాజిక మాధ్యమాల్లో వైరల్​గా మారింది.

డిసెంబర్31న అబ్దుల్​ మాజీద్​​ అనే వ్యక్తి తన కుమారుడితో ద్విచక్ర వాహనం మీద తెలక్కడ్​ వెళుతున్నాడు. ఈ క్రమంలో అతను వెనక కూర్చొని కుమారునితో డ్రైవింగ్​ చేయించాడు. రహదారిపై వెళుతున్న మోటర్ వాహన విభాగం అధికారులు గమనించి మాజీద్​ను ఆపి, అతని డ్రైవింగ్​ లైసెన్స్​ను రద్దు చేశారు. బినయ్​ వర్గేశ్​ అనే అధికారి దీనికి సంబంధించిన వీడియో రికార్డు చేశారు. వీడియో ప్రకారం అబ్దుల్​ తన కుమారునితో డ్రైవింగ్​ చేయించాడని అధికారులు తేల్చారు.

ఇదీ చూడండి: 2 కార్లు ఢీ.. ఏడుగురు చిన్నారులు సజీవదహనం