ప్రియుడి జన్మదిన వేడుకలకు వెళ్లిన 16 ఏళ్ల అమ్మాయిపై సామూహిక అత్యాచారం జరిగినట్లు పోలీసులు తెలిపారు. ఈ ఘటనతో సంబంధం ఉన్న వారిలో ఆరుగురిని అరెస్ట్ చేశామని పేర్కొన్నారు. మరోకరు పరారీలో ఉన్నట్లు వివరించారు. ఈ ఘటన నార్త్ ముంబయిలోని మల్వానీలో జరిగింది. మంగళవారం జరిగిన ఈ ఘటన ఆలస్యంగా వెలుగులోకి వచ్చింది.
ఇదీ జరిగింది..
నార్త్ ముంబయిలో జరిగిన ప్రియుడు పుట్టినరోజుకు యువతి ఇంటి నుంచి బయటకు వెళ్లింది. వెళ్లే సమయంలో తనను ఎవరూ అడ్డుకోకుండా ఇంటికి గొళ్లెం పెట్టింది. ప్రియుడి బర్త్డే పార్టీకి చేరుకుంది. అక్కడ అతని స్నేహితులు, అతను కలిసి యువతిపై సామూహిక అత్యాచారానికి పాల్పడ్డారు. రెండు రోజుల తరువాత ఆమెకు కడుపులో నొప్పిగా ఉందని తల్లిదండ్రులకు చెప్పింది. అనంతరం తనపై జరిగిన బలాత్కారం గురించి, నిందితుల గురించి వివరించింది. దీనిపై పోలీస్స్టేషన్లో కేసు నమోదైంది. ఆరుగురిని పట్టుకున్న పోలీసులు.. మరోకరి కోసం గాలిస్తున్నారు.
తాంత్రికుడి పైశాచికం.. వివాహితపై అత్యాచారం
ఉత్తర్ ప్రదేశ్లోని బర్సనాలో నరేంద్ర అనే తాంత్రికుడు ఓ వివాహితపై అత్యాచారం చేసినట్లు పోలీసులు పేర్కొన్నారు. గ్రామంలో మంత్ర విద్యలను సాధన చేసేందుకు అతని శిష్యులతో కలసి వచ్చాడని తెలిపారు. ఈ క్రమంలో స్థానికంగా ఉండే ఓ మహిళను రాత్రి సమయంలో తనను ఓ సారి కలవాలని కోరినట్లు చెప్పారు. తాంత్రికుడి మాటలు విన్న వివాహిత నిందితుని దగ్గరకు వెళ్లగా ఆమెపై అత్యాచారం చేసినట్లు వివరించారు.
దీనిపై వివాహిత బర్సనా పోలీస్స్టేషన్లో ఫిర్యాదు చేసినట్లు తెలిపారు. అతని శిష్యుల్లో ఒకరిని పోలీసులు అదుపులోకి తీసుకున్నట్లు పేర్కొన్నారు. నిందితుడు పరారీలో ఉన్నట్లు వివరించారు.
ఇదీ చూడండి: పోలీస్ స్టేషన్కు సమీపంలో బాంబు కలకలం!
