మధ్యప్రదేశ్ భోపాల్లో ఓ ప్రభుత్వ అధికారిణి ఆత్మహత్యకు పాల్పడ్డారు. మధ్యప్రదేశ్ ఇండస్ట్రియల్ డెవలప్మెంట్ కార్పొరేషన్ కార్యాలయంలో పని చేస్తున్న 27 ఏళ్ల మహిళా అధికారి ప్రాణాలను బలితీసుకుంది. మేనేజర్గా పనిచేస్తున్న రేఖాశర్మ.. తన నివాస భవనం ఐదో అంతస్తు నుంచి దూకింది. దీంతో హుటాహుటిన ఆమెను ఆస్పత్రికి తరలించారు.
కాగా అప్పటికే ఆమె మరణించినట్లు వైద్యులు ధ్రువీకరించారు. ఆత్మహత్యకు గల కారణాలు ఇంకా తెలియదని.. ఘటనా స్థలంలో సూసైడ్ నోట్ లభించలేదని పోలీసులు తెలిపారు. గత కొన్ని రోజులుగా రేఖ.. ఒత్తిడిలో ఉన్నట్లు ప్రాథమికంగా గుర్తించామన్నారు. దీనిపై కేసు నమోదు చేసుకుని దర్యాప్తు చేపట్టామని తెలిపారు.
ఇవీ చదవండి:
