రైతు ఇంట్లో రూ.1.24కోట్లు చోరీ

మధ్యప్రదేశ్​కు చెందిన ఓ రైతు ఇంట్లో భారీ చోరీ జరిగింది. నాలుగెకరాల భూమిని అమ్మగా వచ్చిన రూ.1.24 కోట్లను దుండగులు అపహరించారు. పోలీసులు దర్యాప్తు చేస్తున్నారు.

మధ్యప్రదేశ్​కు చెందిన ఓ రైతు ఇంట్లో భారీ చోరీ జరిగింది. భూమి అమ్మగా వచ్చిన రూ.1.24కోట్లను దుండగులు ఎత్తుకెళ్లారు.

శివపురి​ జిల్లా కరేరా మున్సిపాలిటీకి చెందిన జహర్​ సింగ్​ అనే రైతు నాలుగెకరాల భూమిని తనకు పరిచయస్తులైన ఇద్దరికి పదిరోజుల క్రితం అమ్మాడు. చెల్లింపులు నగదు రూపంలోనే జరిగాయి. కొనుగోలుదారులు ఇచ్చిన రూ.1.24 కోట్లను ఇంట్లోని పెట్టెలో దాచి, ఆ గదికి తాళం వేశాడు జహర్​ సింగ్​. రాత్రి ఆయన బయట పడుకోగా.. ఇంట్లో ఉన్న డబ్బు మాయమైంది.

అంత మొత్తంలో డబ్బును ఇంట్లోనే పెట్టుకోవటంపై పోలీసులు అనుమానం వ్యక్తం చేస్తున్నారు. అన్ని కోణాల్లో దర్యాప్తు చేస్తామని ఎస్పీ రాజేష్​ సింగ్​ తెలిపారు.

ఇదీ చదవండి: రెండేళ్ల చిన్నారిపై 14 ఏళ్ల బాలుడు అత్యాచారం