ఝార్ఖండ్ బొకారోలో దారుణం జరిగింది. మహుటాండ్ పోలీస్ స్టేషన్ పరిధిలోని ధ్వయ అనే గ్రామంలో ఓ వ్యక్తిపై మూకదాడి జరిగింది. ఈ ఘటనలో 45 ఏళ్ల వ్యక్తి తీవ్రంగా గాయపడ్డాడు. అనంతరం ఆస్పత్రికి తరలించేసరికి మృతి చెందాడు. వివాహేతర సంబంధమే ఈ హత్యకు కారణమని పోలీసులు తెలిపారు. మృతుడు వార్డు మెంబర్ అని పేర్కొన్నారు. గురువారం జరిగిన దుర్గాదేవీ నిమజ్జనం సమయంలో ఓ వర్గానికి చెందిన 22 మంది మరో వర్గానికి చెందిన వ్యక్తిపై దాడి చేశారు. ఫలితంగా గ్రామంలో ఉద్రిక్తత పరిస్థితులు నెలకొనడం వల్ల పోలీసులు భారీగా మోహరించారు. ఆ ప్రాంతంలో 144 సెక్షన్ విధించారు.
పోలీసుల వివరాల ప్రకారం.. మృతుడికి ధ్వయ గ్రామానికి చెందిన ఓ మహిళతో వివాహేతర సంబంధం ఉంది. కొందరు గ్రామస్థులు ఆగ్రహం వ్యక్తం చేసి దుర్గామాత నిమజ్జనం సమయంలో అదును చూసి మూకదాడికి పాల్పడ్డారు. బాధితుడికి తీవ్ర గాయలవ్వగా.. రామ్‌ఘఢ్ ఆసుపత్రిలో పోలీసులు చేర్చారు. బాధితుడి ఆరోగ్యం విషమించడం వల్ల రాంచీలోని ఓ ఆస్పత్రికి తరలించినా ఫలితం లేకపోయింది. అతడు మరణించినట్లు వైద్యులు ధ్రువీకరించారు. ఈ కేసులో 22 మందిపై పోలీసులు ఎఫ్‌ఐఆర్ నమోదు చేసుకున్నారు. అందులో 11 మందిని అదుపులోకి తీసుకున్నారు. మిగతా వారికోసం ముమ్మరంగా గాలిస్తున్నారు.
కిడ్నాప్ చేసి..
ఉత్తర్ప్రదేశ్ ఝాన్సీలో దారుణం జరిగింది. ఓ మైనర్ను కిడ్నాప్ చేసి.. నాలుగు రోజులు బందీగా ఉంచి సామూహిక అత్యాచారానికి పాల్పడ్డారు నలుగురు కామాంధులు. నిందితులను కాపాడేందుకు పోలీసులు ప్రయత్నిస్తున్నారని బాధితురాలి బంధువులు ఆరోపిస్తున్నారు.
పోలీసులు తెలిపిన వివరాల ప్రకారం.. సిప్రీ బజార్ పోలీస్ స్టేషన్ పరిధిలో నివసిస్తున్న మైనర్.. తనను నలుగురు వ్యక్తులు కిడ్నాప్ చేసి సామూహిక అత్యాచారానికి పాల్పడ్డారని పోలీసులకు ఫిర్యాదు చేసింది. వారందరూ తన గ్రామానికి చెందిన వారేనని తెలిపింది. దీంతో బాధితురాలిని వైద్య పరీక్షల నిమిత్తం ఆస్పత్రికి తరలించారు పోలీసులు. సెప్టెంబరు 4న బాధితురాలు కిడ్నాప్కు గురైంది. ఆ తర్వాత రోజు బాధితురాలి కుటుంబ సభ్యులు పోలీసులకు ఫిర్యాదు చేయగా.. వారు బంధీగా ఉన్న మైనర్ను రక్షించారు.
బ్లాక్మెయిల్ చేసి..
బిహార్ పట్నాలో ఏడాది క్రితం అత్యాచారానికి పాల్పడిన నిందితుడిని పోలీసులు అరెస్టు చేశారు. పత్రకార్ నగర్ పోలీస్ స్టేషన్‌లోని ఓ ప్రైవేట్ ఆసుపత్రిలో కాంపౌండర్గా పనిచేసేవాడు నిందితుడు రాజేశ్. అప్పుడు ప్రభుత్వ ఆసుపత్రిలో నర్సుగా పనిచేస్తున్న బాధితురాలితో పరిచయం ఏర్పడింది. ఆమె రూమ్కు సమీపంలోనే నిందితుడు కూడా రూమ్ తీసుకున్నాడు. ఓ రోజు బలవంతంగా బాధితురాలికి మద్యం తాగించి ఆమెపై అత్యాచారానికి పాల్పడ్డాడు. అనంతరం ఈ దారుణాన్ని వీడియో తీసి ఆమెను బ్లాక్మెయిల్ చేయడం ప్రారంభించాడు. తనమాట వినకపోతే ముఖంపై యాసిడ్ పోసేస్తానని బెదిరించేవాడు. విసుగుచెందిన బాధితురాలు పోలీసులకు ఫిర్యాదు చేసింది. ఏడాది తర్వాత పోలీసులు నిందితుడిని అదుపులోకి తీసుకున్నారు. అతడి మొబైల్ను స్వాధీనం చేసుకున్నారు.
ఇవీ చదవండి: రాత్రి 7 కాగానే టీవీలు, ఫోన్లు బంద్.. ఆ గ్రామంలో స్ట్రిక్ట్గా రూల్ అమలు!
