జమ్ముకశ్మీర్, బారాముల్లా జిల్లాలో శుక్రవారం ఉగ్రవాదులు రెచ్చిపోయారు. భద్రతా బలగాలపై గ్రనేడ్ విసిరారు.
శుక్రవారం మధ్యాహ్నం 2:30 గంటలకు సోపోర్లోని ఎస్బీఐ మెయిన్ చౌక్ ప్రాంతంలో ఈ దాడి జరిగిందని ఓ పోలీసు అధికారి తెలిపారు.
అయితే.. ఈ దాడిలో ఎవరికీ ఎలాంటి గాయాలు కాలేదని తెలుస్తోంది. దాడి అనంతరం ఘటనాస్థలిలో భద్రతా సిబ్బంది భారీగా మోహరించారు. నిందితులను పట్టుకునేందుకు గాలింపు చేపట్టారు.
పంజాబ్లో గ్రనేడ్ కలకలం
పంజాబ్ అమృత్సర్లోని పాశ్ ప్రాంతంలో ఓ గ్రనేడ్ తరహా బాంబు కనిపించడం కలకలం రేపింది. పారిశుద్ధ్య కార్మికులు దీన్ని గుర్తించి.. పోలీసులకు సమాచారం అందించారు. దాంతో ఘటనాస్థలికి పోలీసులు, బాంబు నిర్వీర్యం చేసే సిబ్బంది చేరుకున్నారు.
నిర్జన ప్రదేశానికి తీసుకువెళ్లి ఆ బాంబును నిర్వీర్యం చేసినట్లు అధికారులు చెప్పారు. దీనిపై దర్యాప్తు చేపట్టామని పేర్కొన్నారు.
ఇదీ చూడండి: కశ్మీర్లో ఎన్కౌంటర్- ఉగ్రవాది హతం
ఇదీ చూడండి: భాజపా నేత ఇంట్లో పేలుడు- ఒకరు మృతి
