Militants Firing On Police: జమ్ముకశ్మీర్లో ఉగ్రవాదులు రెచ్చిపోయారు. పుల్వామా జిల్లా బంద్జూ ప్రాంతలో ఓ పోలీసు ఫాలోవర్పై కాల్పులకు తెగబడ్డారు. ఆదివారం జరిగిన ఈ ఘటనలో సదరు అధికారికి గాయాలయ్యాయి.
"బంద్జూ ప్రాంతంలోని జమ్ముకశ్మీర్ పోలీస్ ఫాలోవర్ ముస్తాక్ అహ్మద్ వాగే ఇంటి వద్ద ఉగ్రవాదులు కాల్పులు జరిపారు. ఈ ఘటనలో వాగే కాలికి గాయమైంది. సాయంత్రం 7 గంటలకు ఈ ఘటన జరిగింది" అని ఓ సీనియర్ పోలీసు అధికారి తెలిపారు. ముస్తాక్ను స్థానికులు పుల్వామా జిల్లా ఆస్పత్రికి తరలించారని వెల్లడించారు. అనంతరం మెరుగైన చికిత్స కోసం ఆయనను శ్రీనగర్లో ఎస్ఎంహెచ్ఎస్ ఆస్పత్రికి తరలించామని చెప్పారు. అతడి ఆరోగ్య పరిస్థితి నిలకడగా ఉందని పేర్కొన్నారు.
ఇదీ చూడండి: కశ్మీర్లో ఎన్కౌంటర్- పాక్ ఉగ్రవాది హతం
