ముకేశ్ అంబానీ నివాసం వద్ద పేలుడు పదార్థాలతో నిలిపివేసిన కారు యజమానిగా భావిస్తున్న మాన్సుఖ్ హిరెన్ మృతి కేసును జాతీయ దర్యాప్తు సంస్థ(ఎన్ఐఏ)కు కేంద్ర హోంశాఖ అప్పగించింది. ఇప్పటివరకు ఈ కేసును మహారాష్ట్ర ఉగ్రవాద నిరోధక దళం(ఏటీఎస్) దర్యాప్తు చేసింది.
ముకేశ్ అంబానీ ఇంటి వద్ద పేలుడు పదార్థాల కారు కలకలం రేపింది. ఆ తర్వాత మార్చి5న అనుమానాస్పదంగా మృతి చెంది కనిపించారు మాన్సుఖ్.
మరోవైపు.. తన భర్త హిరెన్ మృతికి మహారాష్ట్ర మాజీ పోలీసు అధికారి సచిన్ వాజేనే కారణమని ఆరోపించింది ఆయన భార్య. ఇప్పటికే సచిన్ వాజేను ఎన్ఐఏ అరెస్టు చేసి విచారిస్తోంది. ఘటనా స్థలానికి వాజేను తీసుకెళ్లి సీన్ రీక్రియేషన్ చేసింది.
బాంబు సామర్థ్యం తక్కువే!
కారులో దొరికిన జిలెటిన్ స్టిక్స్ పేలుడు సామర్థ్యం తక్కువేనని ఫోరెన్సిక్ నిపుణులు ప్రాథమికంగా తేల్చారు. పేలితే పెద్ద నష్టం జరిగే అవకాశం చాలా తక్కువని తెలిపారు. జిలిటెన్ స్టిక్స్లో అమ్మెనియం నైట్రేట్ ఉన్నట్లు తేలింది.
ఇదీ చదవండి: ముకేశ్ అంబానీ నివాసం సమీపంలో పేలుడు పదార్థాల కలకలం
