ఆన్​లైన్​ బెట్టింగ్​లో నిండా మునిగిన వ్యాపారి.. రూ.58 కోట్లు లాస్​.. ఆ లింక్​పై క్లిక్​ చేయడం వల్లే!

Online Gambling Fraud Nagpur : ఓ వ్యాపారవేత్త ఆన్‌లైన్‌ జూదంలో భారీగా మోసపోయాడు. తక్కువ సమయంలో కోట్ల రూపాయలు వస్తున్నాయని ఆశపడి.. చివరికి రూ.58 కోట్లు కోల్పోయాడు. మహారాష్ట్రలో జరిగిన ఈ ఘటనపై పోలీసులు కేసు నమోదు చేసి దర్యాప్తు చేపట్టారు.

Online Gambling Fraud Nagpur : ఆన్​లైన్ బెట్టింగ్ యాప్‌లో పెట్టుబడుల ఆశ చూపి మహారాష్ట్రలో ఓ వ్యాపారవేత్తను నిండా ముంచేశాడు ఓ బుకీ. దాదాపు రూ. 58 కోట్ల మేర మోసం చేశాడు. దీంతో బాధితుడు ఆత్మహత్య యత్నం చేశాడు. అనంతరం ఈ కేసు వెలుగులోకి వచ్చింది. ఈ ఘటన మహారాష్ట్రలో జరిగింది.

పోలీసులు తెలిపిన సమాచారం ప్రకారం.. నాగ్​పుర్​కు చెందిన ఓ వ్యాపారవేత్తకు గోందియా జిల్లాకు చెందిన అనంత్​ నవరతన్ జైన్​తో పరిచయం ఏర్పడింది. ఆన్​లైన్​ జూదం ద్వారా స్వల్ప వ్యవధిలో ఎక్కువ డబ్బులు సంపాదించవచ్చని వ్యాపారిని నమ్మించాడు నిందితుడు అనంత్​. అనంతరం బాధితుడికి వాట్సాప్​లో ఆన్​లైన్​ జూదం లింక్​లు పంపించి ఆడించాడు. క్రమంగా ఆన్​లైన్​ జూదానికి అలవాటు పడేలా చేశాడు. అయితే, మొదటి సందేహించిన వ్యాపారి.. ఆ తర్వాత రూ. 8 లక్షలు నిందితుడికి పంపించి.. ఆన్​లైన్ జూదం ఆడటం ప్రారంభించాడు.

• Maharashtra | A Gondia-based international cricket bookie lured a businessman to invest in doctored betting apps and then duped him to the tune of over Rs 58 crores. Nagpur Police raided his residence at Kaka Chowk and seized more than Rs 17 crores in cash, gold weighing around 4… pic.twitter.com/xr3dTTMPM0

  — ANI (@ANI) July 23, 2023 " class="align-text-top noRightClick twitterSection" data="

  Maharashtra | A Gondia-based international cricket bookie lured a businessman to invest in doctored betting apps and then duped him to the tune of over Rs 58 crores. Nagpur Police raided his residence at Kaka Chowk and seized more than Rs 17 crores in cash, gold weighing around 4… pic.twitter.com/xr3dTTMPM0

  — ANI (@ANI) July 23, 2023

  ">

  Maharashtra | A Gondia-based international cricket bookie lured a businessman to invest in doctored betting apps and then duped him to the tune of over Rs 58 crores. Nagpur Police raided his residence at Kaka Chowk and seized more than Rs 17 crores in cash, gold weighing around 4… pic.twitter.com/xr3dTTMPM0

  — ANI (@ANI) July 23, 2023

మొదటలో రూ. 5 కోట్లు గెలిచాడు. దీంతో అనంత్​ను పూర్తిగా నమ్మాడు వ్యాపారి. ఆ తర్వాత స్నేహితులు, బంధువుల వద్ద నుంచి అప్పు చేసి మరీ జూదం ఆడాడు. కానీ ఆ తర్వాత నష్టాలు రావడం ప్రారంభమయ్యాయి. నవంబర్​ 2021 నుంచి ఇప్పటివరకు రకరకాల జూదాలు ఆడి.. ఏకంగా దాదాపు రూ. 58.42 కోట్ల వరకు నష్టపోయాడు. అయితే, నిందితుడు ప్రణాళిక ప్రకారం తప్పుడు లింక్​లు పంపించి బాధితుడిని మోసం చేసినట్లు పోలీసులు తెలిపారు.

నిందితుడి ఇంటిపై దాడి చేసిన పోలీసులు

అయితే, ఈ వ్యవహారంపై అనుమానం వచ్చిన బాధితుడు.. తన డబ్బు వాపస్‌ ఇవ్వాలని నవరతన్​ను అడిగాడు. దీనికి నిందితుడు జైన్‌ నిరాకరించాడు. అంతేకాకుండా తనకే తిరిగి రూ. 40 లక్షలు ఇవ్వాలని డిమాండ్​ చేశాడు. దీంతో మోసపోయానని గ్రహించిన ఆ వ్యాపారవేత్త ఆత్మహత్య చేసుకోడానికి ప్రయత్నించాడు. అనరంతం సైబర్ పోలీసులకు ఫిర్యాదు చేశాడు. వ్యాపారవేత్త ఇచ్చిన ఫిర్యాదుతో నాగ్‌పుర్ పోలీసులు కాకా చౌక్‌లోని బుకీ నివాసంపై దాడి చేశారు. 17 కోట్లకు పైగా నగదు, సుమారు 4 కిలోల బంగారం, 200 కిలోల వెండిని స్వాధీనం చేసుకున్నారు. నిందితుడి కోసం గాలిస్తున్నారు. అయితే.. నిందితుడు పరారీలో ఉన్నట్లు పోలీసులు తెలిపారు. అతడు దుబాయ్‌ పారిపోయినట్లు పోలీసులు అనుమానిస్తున్నారు.

• ఇవీ చదవండి :