మాజీ ప్రధాని అటల్ బిహారీ వాజ్పేయీ జయంతి సందర్భంగా నేడు.. 'అటల్ బిహారీ వాజ్పేయీ స్మారక వార్షిక ఉపన్యాసాన్ని' విదేశీ వ్యవహారాల మంత్రిత్వ శాఖ ప్రారంభించనున్నట్లు మంత్రి ఎస్ జైశంకర్ తెలిపారు.
"వాజ్పేయీ 96వ జయంతి సందర్భంగా విదేశీ విధానంపై అమెరికా-భారత్ వాణిజ్య మండలి అధ్యక్షురాలు నిశా దేశాయ్ బిస్వాల్ ఉపన్యసిస్తారు. భారత విదేశీ శాఖ సామాజిక మాధ్యమాల వేదికగా ఉదయం 10 గంటలకు జరగనున్న ఈ కార్యక్రమంలో అందరూ పాల్గొనాలి." అని ట్వీట్ చేశారు జైశంకర్.
1998-2004 మధ్య ఎన్డీఏ ప్రభుత్వాన్ని నడిపించిన దిగ్గజ నేత వాజ్పేయీ. భారతీయ జనతా పార్టీ నుంచి ప్రధానిగా ఎన్నికైన తొలి వ్యక్తి ఈయనే కావడం విశేషం. మొత్తం 3 సార్లు ప్రధానిగా పనిచేశారు. 2015లో దేశ అత్యున్నత పౌరపురస్కారం.. భారతరత్న వాజ్పేయీని వరించింది.
ఇదీ చూడండి: కరోనా టీకా వేయడానికి సిద్ధంగా ఉన్నాం: కేజ్రీవాల్
