గల్వాన్ లోయను ఆక్రమించిన చైనా దళాలను నిలువరించే భారత సైనిక బృందాన్ని ముందుండి నడిపిన యువసైనికాధికారి కెప్టెన్ సోయిబా మనిగబ్బా రంగ్నామీని సత్కరించారు మణిపుర్ ముఖ్యమంత్రి ఎన్.బీరెన్ సింగ్. మంగళవారం సీఎం నివాసం వద్ద యువ సైనికుడిని సత్కరించినట్లు ట్విట్టర్లో పేర్కొన్నారు.
"మణిపుర్లోని సేనాపతి జిల్లాకు చెందిన కెప్టెన్ సోయిబా మనిగబ్బా రంగ్మామీని సత్కరించాను. ఈ యువ సైనికుడిని కలవడం గౌరవంగా భావిస్తున్నా. ఇలాంటి సైనికులకు దేశం రుణపడి ఉంటుంది. దేశ రక్షణ కోసం సైన్యంలో చేరాలని మణిపుర్ యువతను ప్రభుత్వం ఎల్లప్పుడూ ప్రోత్సహిస్తుంది."
-ఎన్.బీరెన్ సింగ్, మణిపుర్ ముఖ్యమంత్రి.
తొలుత కేంద్ర మంత్రి కిరణ్ రిజుజు... సరిహద్దుల్లో ధైర్య సాహసాలు కనబర్చిన యువ సైనికుడు ఈయనే అంటూ సోయిబా ఫొటోను షేర్ చేసి ప్రశంసలతో ముంచెత్తారు.
పదో విడత కోర్‌ కమాండర్‌ స్థాయి సమావేశాలకు ముందు సానుభూతి పొందేందుకు చైనా ఓ ప్రచార వీడియోను విడుదల చేసింది. ఇందులో గల్వాన్ ఘటనలోని కొన్ని క్లిప్‌లను కూడా ఉంచింది. వీటిల్లో భారత దళాలు తమ భూభాగంలోకి వస్తున్నాయని పేర్కొంది. వాస్తవానికి భారత దళాలు చైనా ఆక్రమణలను ఖాళీ చేయించే ప్రయత్నం అది. ఈ వీడియోలో చైనా సైన్యాన్ని ధైర్యంగా ఎదుర్కొన్నట్లు కనిపించిన యువసైనికుడే మణిపుర్లోని సేనాపతి జిల్లాకు చెందిన సోయిబా మనినగ్బా రంగ్నామీ.
ఇదీ చదవండి:'500 మీటర్ల దూరంలో భారత్, చైనా సైన్యాలు'
