Fisherman upside down hanging: కర్ణాటక మంగళూరులో ఓ అమానవీయ ఘటన ఆలస్యంగా వెలుగులోకి వచ్చింది. ఫోన్ దొంగలించాడనే ఆరోపణలతో.. ఓ మత్స్యకారుడిని తలకిందులుగా వేలాడతీశారు.
ఇదీ జరిగింది..
ఆంధ్రప్రదేశ్కు చెందిన వైల శ్రీను.. మంగళూరులో మత్స్యకారుడిగా పని చేసుకుంటున్నాడు. అదే ప్రాంతానికి చెందిన మరో జాలరి ఫోన్ ఇటీవలే పోయింది. శ్రీను ఆ ఫోన్ దొంగలించాడని ఆరోపణలు వచ్చాయి. దీంతో మిగిలిన వారు శ్రీనుపై అమానవీయ ఘటనకు పాల్పడ్డారు. పడవలో తాళ్లకు అతడిని కట్టేసి తలకిందులుగా వేలాడదీశారు. ఫోన్ ఎక్కడ ఉందని పదేపదే అరుస్తూ ప్రశ్నించారు.
శ్రీనును ఈ విధంగా హింసించిన వారు కూడా ఆంధ్రప్రదేశ్కు చెందిన వారేనని తెలుస్తోంది. ఈ ఘటనకు సంబంధించిన వీడియో.. తాజాగా సామాజిక మాధ్యమాల్లో వైరల్గా మారింది. పండేశ్వర పోలీస్ స్టేషన్లో ఈ వ్యవహారంపై కేసు నమోదైంది. పోలీసులు ఆరుగురిని అరెస్ట్ చేశారు.
ఇదీ చూడండి:- గాలిలో ఎగిరిన వ్యక్తి.. ఎలా సాధ్యమైంది?
