Man Tries Delivery To Wife: యూట్యూబ్లో చూసి వంటలు చేయడం, ఇతరత్రా పనులు నేర్చుకోవడం చూసుంటాం. కానీ తమిళనాడుకు చెందిన ఓ ప్రబుద్ధుడు మాత్రం కట్టుకున్న భార్యపైనే ప్రయోగం చేశాడు. యూట్యూబ్లో చూసి గర్భవతిగా ఉన్న తన భార్యకు ఆపరేషన్ చేశాడు.
ఏమైందంటే..?
తమిళనాడు రాణిపేట్ జిల్లా పనప్పక్కం మండలం నెదుంపులి గ్రామానికి చెందిన లోకనాథన్(32), గోమతి(28) దంపతులు. వారికి ఏడాదిన్నర క్రితం వివాహం జరిగింది.
అయితే లోకనాథన్.. యూట్యూబ్లో చూసి గర్భంతో ఉన్న తన భార్యకు డెలివరీ చేశాడు. ఈ ఘటనలో శిశువు మృతిచెందింది. గోమతి పరిస్థితి విషమంగా ఉంది. ఆమె ప్రస్తుతం వెల్లూర్లోని ప్రభుత్వ ఆస్పత్రిలో చికిత్స పొందుతోంది.
ఈ ఘటనపై వైద్యుల ఫిర్యాదు మేరకు నెమిలి స్టేషన్ పోలీసులు లోకనాథన్ను అరెస్ట్ చేసి దర్యాప్తు చేస్తున్నారు.
ఇదీ చూడండి: వేగంగా వచ్చి మహిళలను ఈడ్చుకెళ్లిన కారు- ఇద్దరు దుర్మరణం
