మహారాష్ట్రలోని ఠాణేలో అత్యంత ఘోరం జరిగింది. మరో మహిళతో సంబంధానికి అడ్డొస్తోందని భార్యను అంతం చేయాలనుకున్నాడో కర్కశ భర్త. గర్భవతిగా ఉన్న ఆమెకు నిప్పంటించాడు.
ఇదీ జరిగింది..
ఠాణే కల్వా మఫత్‌లాల్ కాలనీకి చెందిన అనిల్ బహదూర్ చౌరాసియా అనే 35 ఏళ్ల వ్యక్తికి ఓ మహిళతో వివాహం జరిగింది. ప్రస్తుతం ఆమె ఆరు నెలల గర్భవతి. అయితే.. మరో పెళ్లి చేసుకున్న నిందితుడు.. భార్యతో తరచూ గొడవ పడుతూ ఉండేవాడు.
ఈ క్రమంలోనే అక్టోబరు 30వ తేదీ సాయంత్రం గర్భిణి అనే కనికరం లేకుండా.. తన భార్యకు నిప్పంటించాడు. దీనిని గమనించిన స్థానికులు ఆమెను ఆసుపత్రికి తరలించారు. అయితే బాధిత మహిళ అప్పటికే తీవ్ర గాయాలపాలైంది. తన కడుపులో పెరుగుతున్న శిశువును సైతం కోల్పోయింది. ప్రస్తుతం ఆసుపత్రిలో చికిత్స పొందుతోంది.
ఘటనపై సమాచారం అందుకున్న పోలీసులు నిందితునిపై కేసు నమోదు చేసి దర్యాప్తు చేస్తున్నారు.
ఇవీ చదవండి:
